Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

полчады-не? Амды ол қойларды тооза чидирипсалған полар, пӧрӱлер чиипсалғаннар полар. Қойлар ээлери тезе ӱзе тартынып парғаннар поларлар! — теп, сағыжы оолақтың қарарыбысты, мӧңсӱреппарды. — О, Соған, тептеген сағышка келбе да! Пир қой чидиппа- рардың, пир қой палазы да читпеди! Кӧрерзиң анаң ийгинчи қойлар ӱқтӱппарды. Ээлери ичеңни пақтап тоқтурбанчалар. Ме- ниң абам анары тӧби тоғус оол, тоғус қадачы ызыбысқалаң пеере чыл эртиппарды. Ол оллар кӱзетчылар. Аны уғуп Соғаның сағыжы чарыбысқан. 16 Апшый-ӧрекен пазоқ азырып-сыйлаппердилер, алдындағың- наң артығоқ. Анчи-менчи тем эрткенде, қыс палазы пазоқ ойнарға парарға айдыжаберди. Тағ-суғду кӧрӱп суқтанып келер- ге. Қолларыңнаң чединижипсалдылар, чӱгӱрӱбӱстылар. Пазоқ оғлан палларба ойун кӱдерге. Оғлан паллары анаң кӱштеп ӱргӱнӱжӱп ӱдӱре алын турчар. Сарнажып, кӱлӱш тур- чалар. Қомус қағып ойнап турчалар. Кӱн эдоқ кӱле чала шалып турча, сузун ачынман тӱжӱрӱп турча. Ойнап, ойнап ла саттар- дың честегибе суқтаныш турчар. Анаң пилгеннери, кӱн пазоқ қызарып, қоннарға шенге чедепертир. Қыс палазы ӱйге нанарға айдыжаберди. 17 Қолдаң чединижип чӱгӱребердилер. Қыс палазы пазоқ сура- берди: — Че, қайде, арғыжым, пистиң чер кӧгнӱңға кирча ба? Қалығымға кӧӧленчаң ма? — Тың кӧӧленчам, силердиң черге, шын кӧӧленчам силердиң қалықка. — А қанче тем ойнапсалдыбыс теп, санапчаң? — Че, қанче ползун? Эртен келдибис, иирде нанабердибис. Аны нооға сурапчаң? Иир кӱн поқа паза! — Чооқ, арғыш, иир кӱн эбес, пӱгӱнгӱ эртен пир чыл пӱтпарды. Ол пистиң чердиң кӱнӱ пир кӱн полча, слердиң чер- диң тезе пир чыл. Аны уқкан Соған шӧчӱппарды. Қыс палазы пазоқ аны удержипсалды. 18 ӱйге нанып келгеннерде, апшақ-ӧрекен анаң кӱштеп азырап, сыйла парып қалдылар. Ас па, кӧп пе тем эрткен шенде, қыс палазы пазоқ айтча: — Парып, ойнап келеең ме? — тепча.