Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

3 Ээде чығыла-чығыла — пир улуг ӧӧр қойлар чыылыпсалды- лар. Қойларды қадарып, кӱзеде перип қалдылар: тағларга, ойум- нарға, пӱктерге. Койуғ оттуғ-сугатығ черге ал чӧребердилер. Улуғ қой кӱзетчизи полабердилер. Пир кӱн кӱзеттилер, ийги кӱн қадарчылар, пир недле*, ийги недле, айға шығабердилер. Олаң қойлары мағат ӧрсенге перип қалды. Пир шенде ооғлақ қойларды изечинге артыссалып: — Ағаш аразынға салыны тарада чӧрӱп келейин, — теп, парыбысты тағ-суғба суқтанып келерге. 4 Ээде парбодуруп, кӧрӱбодурза, алдынаң аара кӧрзе: от кӧйӱп, қызарап келча. Қара тӱдӱнӱ тегриге тердилип турча, қара ыш шықча, тегрини туғлап турча. Ааң пызырагы, ай пӱзӱреги одус тегри тӱбӱнең пеере шабылып, турча. Қара тӱдӱнӱ кӧк тегриге қара пулут полуп қарқайып турча. Соған, оолақ анаң кӧргени: чоон талдың пажынаң чоон, ала чылан азылыпқалып, ооралаш турча. Қызыл чалыннығ от олоқ, олоқ тазырып кӧйгенче, чедип келечӧр. Аны кӧрӱп пистиң Со- ған ачынпарып, чӱгӱрӱпкелди, қайде полужубузарға, пилинмен- парды. Ол шенде чылан, чылан ӱнӱбе қығжылаберди, кижи эрбеқпе эрбеқтежеберди: — Че, оолақ Соған, сен маға ачыныбыстырзың. Мени по кӱнең алыбаларга саназаң, маға қапчыгый ла қамчыңда сына- перзең. Мен аға қабынып парарым, мени сен тӱжӱре тартып парарзың! 5 Соған саатабан қамчызын сынаппергени, чылан аға қабыны- бысты. Соған тӱжӱре тартыбалып, чыланаң чискинген озуба қамчазын оттың ажыра шелибизе перди. Позу кедироқ чӱгӱ- рӱбӱскени. Ээде иштери чоғоқ полду, чоон тал чалтынып отқа қабынып, тазырыпкелип, кӧйупшықты. Ол шенде чылан чыжын келеберди. Чылан ӱнӱбӱ кыгжыла- ды, кижи ӱнӱбе эрбеқтенди: — Мне, Соған, сен мениң арығ тынымны ара-чара кирижип қалдың, амды пистиң мениң абам-ичемнең алған учун, улуғ сыйладырзың, — тедир. — Пай, пай, чылан, мен нооға парчаным-не? Қайде четке- ним-не? Чоқ, пирда маға сенең сый кереқ чоқ, парбассым. Қазық-абыр черинге парып чат. Чақшы позуңнуң черинге парып,