Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

олар сени азрап, сыйларлар. Анаң апшый шығыбалып, чӧриби- сти. ӱш Қарақ пир ай чарым чуртабыстыр. Азығы тоозыбысты. Анаң нанарға эдибисти По албығалардың терезин, қапқа суғуп, қапқа толдыра суқты. Анаң по тағ кижизиниң чолын чолап, пар шықты. Пара-пара келгенде, пир Чалым қайа тоғашты. Ол қайады ӱш айландыра чӧрип, эжигин таппады. Анаң кӧрзе: пир эжиксе тӧй чер кӧрӱнча, ол черди ағашпа қоғдырадып турча. Че, шынап та эжиги ажылыбысты Чалым қайдың. 18 По қайа иштине кире пасты. ӱш Карақ кӧртурза: по апшақ-қур- туйақ ағарыбыза пертирлер. Че, пылар ӱш Қарақты чақшы сый- ладылар. Эртен тағдың ээлери айтчалар: — Қайдығ чабал чыс чыстанча по полчаң. ӱш Қарақ айтча: — Эзе, тайғыда чадып, кебимге шабал чызы уутпарған по- лар-но. Чақшы кеп перчаң ползар, по чабал кептерди ташқары таштар эдим. Ээлери чақша кеп-азақ пердилер. ӱш Қарақ чақшы кеп кизибалып, чабал кептерин ташқара таштабысты. 19 Анаң қайа иштине кир кӧрзе, пылардың чақшы қыс пар полтыр. Аны кӧрип, ӱш Карақ қудалап шықты по қысты. Че, абазы-ичези чараттырлар қыстарын ӱш Қарақың оғлына. По қыстың ады полтыр Алтын Тарақ. Абазы айтча: — Мен мынаң аара ташқары шығып, силгинибиссем, — ақ ой ат полпарам. Анаң маға мӱнӱп, ӱгинзери парарзың. Шынап та, по тағ кижизи шығып, силгинибискени: ақ ой ат полпарды. Аға мӱнӱбалып, чер-сугунға айланып, чӧрибисти. ӱш Қарақ пайлапкелип, наныбысты. Оғлынға қат аппарыбы- сты. 20 Эбизинге чедип, адыңнаң тӱштӱ. Аттаң тӱштоқ, ақ ой ат айланып, эбизинзери чӱгӱр чӧрибисти. ӱш Қарақ эминге кирип, айтча: — Оолғымға қат ақкелдим, аңнап чӧрип, аң-қушты чақшы таптым. Сваттарым ийги недле пажынға тойға келерлер. Ам тезең аш-табақты темнерге кереқ, арағыдың қатыйың темнерге кереқ. Анаң келип, ӱш Карақ эр-эпчи тойға темнен шықтылар. Ийги недле пажында по тағ кижилер чедесалдылар.