Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

ны — чазоқ, ӱжӱнчӱзин атқанда, мылтығынға шаштырып, ақ- сы-пурнуңнаң қан шықты. 14 Анаң одағага одурчытса, пир кижи киркелди. Ол кижиниң чӱзи ле кижидий ошқаш, анаң пашқазы апшақтай ле ошқаш, тӱктӱг. Анаң ӱш Қарақ мынаң қорығып, одағдаң ташкара шығара чӱгӱрӱбӱсти. Анаң ол кижи аны кӧрип, сӱр шыкты. Одағды айландыра чӱгӱрӱш шықтылар. Анаң пайаға кижи одырыбысты, анаң по кижи сурапча: — Сен қайдаң келген кижизиң? Мен сени айна полар, теп, санам, ӱш қарақтығ кижиди амны кӧрдим! 15 Че, пылар чооқтажбодуруп, таныжыбалдылар. По кижи айтча: — Таңда эртен қада аңнап парарыбыс. Мен чадып узарым, сен мени эртен, эрте турғузарзың. ӱш Қарақ таң алында узубысты. Анаң туркелзилер: кӱн мӧзӱк шықпартыр, аңнап парарға орай полыбыстыр. По кижи анаң қанығып, ӱш Қарақты пир қада шап, шығарды. ӱш Қарақ черге чаплада тӱштӱ. ӱш Қарақ ылғабысты. По кижи айтча: — Ылғаба, улуғ кижи ылғапчытқанда, чақшы эбес. Кижиди эрте тургузарға кереқ-но, орай чӧрип, кайдығ неме табалар- зың? 16 Паза эртенде ийгеле аңнап чӧризистилер* Ол парып, по кижи тайғадың аңнарын, пир черге сӱӱрӱп, ақкелеберди. По ӱш Қарақ ол да пелен немелерди ӧдӱрполбанча! Анаң полоқ кижи ӱш Карақ қынган аңнарды ӧдӱрперди. Че, кӧбизин албығыларды ӧдӱрди. Анаң албығыларды по апшый ӱш Қарақты сойдырча. ӱш Қарақ аны да сойып пилбенча. Ээде полғанда, полоқ апшый ӱргетти аны сойарға. По апшый ӱш Қарақты сӧклепча: — Чабал кижидең ӧлиби чоғыл, чақшы кижидең чуртажы чоғыл. Қайран қат сееңбе чатча. Анаң аара сеең қарындаштарың саға чииш та пербенчалар. Ышқанақтың да қаннын ағыс пол- банчазың. По ӱш Қарақты аң сойарға ӱргедип, ӱргетсалды. Анаң ол аңнарды полоқ апшый сойып, қурутперди. По апшый мындоқ қонды, ол тағ кижизи полтыр. 17 Эртен туруп, по апшый айтча: — Мен пир черге чатпас кижибин, мынаң аара парзаң, Чалым қайа пар, ол қайада меең абам-ичем пар. Оларға* парзаң,