Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң пар, талай шағана иштирип, пес иш шығарыстыр! Анаң пашқа черинге арлаған черге пожадыбыстыр. Че, анаң айттыр: — Ам, пар алыпқа киче! По алып парыбыстыр. Анаң по оол малынға келтир, анаң малынба чооқташтыр. Мал айттыр: — Ам қапчый қысты албал, эм черинге, чуртунға нанаң. Че, абам черинде чақшы полбанча ош. По оол: — Ол тоғус кӱн полгам! — теп, санағаны — тогус чыл полпартыр! 15 Че, анаң абазынға черинге нанғанда, абазы ӧлӱбистир. Алтын Арығ по Қара Қааның оғлунға Қара Қайаға парыбыстыр. Мал- қужун Сарығ Қаан қачыр аппарчаттыр. Аалынаң парған маллар от пажын чиип парчаттырлар. Соонаң парған маллар, оттың ортазын оттап парчалар. Эңне соонаң парған маллар оттың тазылын қас чиип парчаттырлар. Эңне соонаң парған маллар қара палғаш қас парчалар. Че, Сарығ Қаан оолы малларын келип қарчы келип, қачыр аппарчаттыр. Че, Алтын Арығды аппарар эгса, қарчы нанманча. Алтын Арығ Қара Қайаба пайлап-чуртап қалтырлар. По Сарығ Қааның оғлу Ақ Қуйақпа ээдоқ пайлап-чуртап қалтырлар. 4. [АПШЫЙДЫҢ ООЛАҒЫ] 1 Пурунда полған полтур. Пир деревнеде апшый-қуртуй, ылардың пир оолақ. Ээде чатчыған шенеринде пир қочайин келди, кӧрӱптиг — двойқаба. Кирди: — Ооларын сат! — тедир, — ӱш чылға. ӱш чылға — ӱш муңны перди. Ооланы* аппарыбысты, отур- тубал. Пир чыл полубусты — пир муң толой, ийги чыл полу- бысты — ийги муң тӱгенди, ӱш муң полусқаны — ӱш муң толой. Оолағын сақтапча, келбенча. 2 По абазы ам палазын тилеп парыбысты. Анаң парбодурғаны, по улуғ тураның таштында пир кичиғ эмичек турча. Аа* кел кир­ ди, аа кел кирип: — Сен, — тедир, — таппассың, — тедир.