Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Анаң пардылар, шынап эт ээде ле ӱӱлча. Ол алып Салғын чӱче ле чиип шығарыбыстыр. Анаң по Салғын, эзе, айттыр: — Сен қаанның малтаба чарбоқ алыбал, как будто сен иш- тепчаң. Арлачаның меең керегим, — тедир, — иирде готовый полар, арығ полар. Сен тезе ӱш кӱн суравал*, — тедир, — ӱш кӱн тынанарзың. 12 Ам ӱш кӱннӱң пажында қаанға келтир: — Пир марығың готовый! — теп. Ам айттыр: — Ийгинчизин пазоқ пир пуға эдин пыжырар, анаң пир бочка араа. Анаң айттыр: — Ам пазоқ ӱш кӱн келбессим. Анаң пырнап кӧрибалтыр, анаң чооқташтыр. Қайаны ийгинчи сыбысқаны тарты. Қайна тварығ* чилеп иштебисчин, алыптың сыбысқанын тарты. Анаң алып келтир. Че, чооқтаж- балып, алып айты: — Мага чииш чииваларға* кереқ! — теп айттыр. 13 Анаң по оол аны чиишқа аппартыр. Ол алып чииш чиип, ара- ға ишчаттыр. По оолға айттыр: — Сен ӱш кӱн қайа қыйынға тынан! — теп айттыр. Че, ӱш кӱннӱң пажында по оол кӧрзе, қайа қошкелип, тыб- рақ чилеп полпартыр! Че, анаң ӱш кӱн пажында по қаанға пазоқ киртир. Қаан сураптыр: — Иштепчаң ма? Оол айттыр: — Сеең ӱжӱнчи марығы иштерге пазоқ пир пуға эдин анаң пир бочка арағазын олоқ черге аппарсал. ӱш кӱнӱн пажында мен келерим, иштеген ижимни кӧрерге парарзың. 14 Че, по оол пазоқ қалғанчи алыптың сыбысқазын алыбалып, қыырыбалтыр. Ол алып келип, кӧртир: че, ағаштар полған чер арығ теп, қайа турған чер ээдоқ арыг! Анаң айттыр: — Иштебизерибис! Ам аға араға-чииш чиип, ижибалтыр. Анаң айттыр: — Че, ам парам!