Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қарағы-иир киргенде, қыс палазы апшақ палазының қы- зыйынға кел чатты. Апшақ палазы Сарыг Торғу қыс палазыннаң пазоқ сурап чӧргени: — Эзе, Сарыг Торғу, сен нооны пилчаң? — тедир. Сарығ Торғу қыс палазы: — Пирда небе пилбенчам, пилзе-пилбезе меең абам пилер, аанаң сурарға кереқ, — тедир. Қыс палазы ээде ле айтқанда, оол кедере айланкел чатсалды: — Абаң пилер полғанда, сен маға кереқ чоғулзуң, Сарығ Торгу қайдаң келгензиң, андоқ нанпар! — тедир. Эртенги таң чарында, қыс палазы қарығ-қуруғ небечеқтерин чығыбал, адазы чуртынға наныбызоқпергени. Ол қыс наныбыс- қан соонда, паза ӱш қондылар. 28 ӱш қонуқтың пажында апшақ палазы, ооллары пазоқ айт- қаны: — Эзе, аба-иче, — тедир, — мынаң аара Ақ талайдың пел- тиринде чатқан Ақ Қанның — Ақ Торгу қызы пар. Аны қуда- лап пар кӧрейин! — тедир. — Позынаң, палабыс, қайде ле иштейин — тезеең, ээде иште, сени пис ӱргетчең эбес! — теп, апшыйба-қуртуяқ пир ӱнме шығардылар. Апшақ палазы, ооллары аштабас тее азыра- ныбалды, эзен-менчи суражыбал, Ақ Қааның чери саара чӧри- бизебергени. Апшый-қуртуй ийгерепчи энче-менче полғанда, анаң уқкан- нары, по черге сығыт-сағыт салғын кирди, сырық пажы сыы- лашты. Пылар ийгеле одағ иштинең шыға чӱгӱрип, анаң кӧргенне- ри: салғын шени сабырылғанче, по черге апшақ палазы чӱгӱр кирди, адазы-парий қыс палазын оң қолтуқтан қыссалтыр, азақ- пажын черге қаптырбан, салғын чилеп ойнат келди. 29 Поны кӧрип, апшый-қуртуй ӱдӱре чӱгӱрпардылар, қолдаң- путтаң чӧлепкел, одағга ақкир одуртылар. Абазы-ичези таңдағы кӱнде улуг тӧй иштеерге, тойға пелнен чӧрдилер. Қара тӱн кел тӱшкенди, Ақ Торғу қыс палазы апшақ палазының қызыйынға кел чатты. Қошта кел чатқан соонда, по пазоқ сурап чӧргени: — Эзе, Ақ Торгу, по чер ӱстӱнде нооны пилчаң, айдабер- зең! — тедир.