Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Қыс палазын чединибал, анаң чӱгӱрибизе пергени, қыс па- лазының азақ пажы черге тегбенқалды. Ноо-ноо черге парған- нарын, апшый кӧр таппанқалды. 25 Апшый келе-келе келгенде, черине анаң четкени, оғлуба қыс пайоқ четкелгеннер полтур. Апшый-қуртуй таңдағы кӱнде оглу- ның тойын чепсерге чепсен чӧрдилер. Пир кергенде, оолба қысқа ӧзалынаң тӧжек салчаттыр чӧрдилер. Қачан қыс палазы апшақ палазының қызыйынға кел чатқанда, апшақ палазы қысқа айт чӧргени: — Эзе, Қара Торғу, нооны пилчарзың? — тедир. — Пирда небе пилбенчам. Пилзе-пилбезе абам на пилер! — тедир. Қыс палазы ээде ле айтқанда, оол кедере айланкел чадыбы- сты: — Андиг полғанда, сен маға кереқ чоқсуң. Абаң пилчытқан полғанда, абаңға нандыра нанпар, — тедир. Эртен турғанда, қыс палазы қарығ-куруғ небечеқтерин чығыныбал, адазының чуртынға нандыра наныбысқаны. Пылар ӱжеле мында чадақалдылар. 26 Пазағы кӱнде эртен апшақ палазы айтты: — Сен, аба, эмде пол тур. Мынаң пара, Сарыг талай пар, Сарыг талайдың пелтиринде Сарығ Қаан чатча. Сарығ Қааның қызы Сарыг Торғу пар, мен аны пар қудалап кӧрейин, — те­ дир. — Позыңның, палам, қайде ле саназаң, ээде иште, — тее- ди апшый. Эртенги таң чарында4, апшақ палазы тӱӱзегежин суғуныбал, Сарыг Қаанның черизаара чӧрибизебергени. Апшыйба-қуртуяқ оолларының келерин сақтап чадабербен қайтсыннар! Пир тоғус кӱнниң пажында по черде сырық паштары сыылашты, сы- бырғақтыг салғын кирди. Апшый: «Нооның кӧӧзи полды!» — теп, одағынаң анаң шықканы, салғын шени сабырылғанче, палазы чӱгӱркирди по черге. 27 Кӧргени: қыс палазын оң қолтуқтаң қапсалтыр. Азақ-пажын шийдирбен, алақканче ойнат, келча. Аны кӧрген апшый-қуртуй, ӱдӱре чӱгӱрпардылар. Палларын полза улуғлап, одаға ақкир, одурттылар. Эртенги таң чарыза улуғ той иштерге, пелненоқбер- бен қайтсыннар?