Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

ийгели келген ооларыба соғада алтын паратаға келдилер. Алтын паратада қаролчуқ* турчытқан полтур. Пыларды кӧрип: — Қаяға парчаң, Аңчы Абышқа? — тедир. — Қаяға парайын? — тедир, — Қара Қаан эминде полар, теп, аға кереқ, теп, келгем, — тедир. Ээде айтқаны қаролчуқ алтын паратаны* ажып, пыларға чол салабергени. 22 Қара Қаанға анаң киргеннери, Қара Қаан устал тӱбинде одур- чытқан полтур, апшыйба по апшақ палазын кӧрип: — Ноо кереқ полду, Аңчы Абышқа? — тедир. — Ноо кереқ ползун, улуғ пий, — тедир, — сеең Қара Торғу қызыңны уғып, меең чағыс паламға алперерге, Қара Торғу қызыңны қудалап келдим, — тедир. Қара Қаан қарчы сӧс айтқанче, Аңчы Абышқа алтон сӧспе айландырды, элиг сӧспе эбир, эрбеқтеди. Шағамғы қанықчытқан Қара Қаан, пооң эрбеқтепчитқанын кӧрип, шым полып одуры- бысты. 23 Ээде ле полғанда, апшый қара тӱӱзегин алыбал, салтымның ортазынға паскелип, ӱш қатнап қақлабысты: — Қай полғанзың қара тӱӱзегим, қанче ле пар ашпа-таба- гыңны поға ӱӱп кӧрза. Сеең табагың шени ашпа-табақ қаан да кижилерде чоқ, — теп. Тӱӱзектиң қалпағын анаң ажыбысқаны, улуг салтымның ор- тазынға улуг устал чепселди, улуг усталдың ӱстӱнге кижи пилбес табақ чепселди. Қара Қаан анаң кӧргени, по усталдың ӱстӱнде қуштың сӱди ле чоғул, по чажынға кӧрбен табақ кел пӱттӱр! Аны кӧрип, Қара Қаан таңзынманы — таңзынды, шӧӧчубаны — шӧӧчуды. Қара Қаан анаң пилингени, ақ усталдың, арғазынға одурса- лып, ашпа-табақ чиип, эзең-позаң ээзиреберген полтур. Эрен қабырға эт қапқанда, ынабас Қара Қаан ынапкел, Қара Торғу қызын азығ палазынға перчӧргени. Пир ӱш кӱнге шығара улуг аш иштилер. 24 ӱш кӱнниң пажында, черлиг кижи чеқсеген, пылар ӱжеле Аң- чы Абышқаның черинге нанчӧргеннери. Улуғ чолға шықканда, апшақ палазы айтты: — Сен, аба, кенгерегинең маңзырабан нан, — тедир, — ичем писти сақтапчытқан полар, пис табырағарақ парааң, — те- дир.