Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

мойнун пош тӱжӱрибистир, тӱңдере кӧрген қарағын, ӧре кӧрбен одурча. — Тынымны артызаберар, паза ла силердиң чолларыңа пас- пайын! — тедир. Апшый келип, тӱӱзегешти қанчағазынаң шече тартыбалды: — Мен саға пайоқ айтқам қая, — тедир, — меең паламнаң қая парадырзың, — теп. — Амды пазоқ чегенеқтенер ползаң, меең паламнаң чақшыны кӧрбессиң, — тедир. — Азығаш, қай- даң келгензиң, анда пар, — тедир, — чоқ кижини паза моғатпа, паза ээде қылынма, анаң аара менең чақшы чоқ! — тедир. Чаш Қаан қырық тижинең ӱн шығарбады. Адын пура тар- ты, келгеноқ чолыба нандыра қачырыбысты. 20 Апшый-қуртуйдың сағыштарыамдычарып, эпггенкел, чатчӧрген- нери. Пылар ийгиниң ӱргӱнерлери ле кӧп полча, пирда черге чӧрбенчалар: аңнап та чӧрбенчалар, қуштап та чӧрбенчалар. Эр- тен турып азыраныбалчалар, пазоқ тынанчалар, аштағаннар- да — пазоқ азыранчалар. Ээде чадып, ас чаттылар ба кӧп чаттылар ба: пир кӱн эртен ооллары — апшақ палазы айтты: — Эзе, аба-иче, — тедир, — пееде чадып эриш полча! — те­ дир, — кижи алчаң шеним четти, кижи аларға сағыш полыбы- сты, — тедир. — Пай, пай, палам, ээде аларға санағаныңда, ноодаң тудуш полчаң, — тедир. — Писке анаң да чақшы! — тедир. — Қайде ле саназаң, ээде иште, сени пис ӱргетчең эбес, — теп, апшый- ба-қуртуяқ пир ӱнме айттылар. — Мынаң аара Қара талайдың пелтиринде чатқан Қара Қаан пар, — тедир. — Қара Қаанның қызы Қара Торғуны, аны пар қудалап кӧреең, аба! — тедир. — Сененоқ полар, палам, — тедир, — қаан кижиниң па­ лазы писке парар ба анаң, палам, парар ла полза, чӧӧк қудала- басқа? — тедир. 21 Эртендеги кӱнде эртен апшый-апшақ палазы-оғлуба тӱӱзе- гешти тудуныбалып, Қара Қааның чери саара чӧрибизеберген- нери. Пара-пара келгеннери, ас парчалар ба кӧп парчалар ба: қара талайдың пелтири чер кӧринди. Қара талайдың пелтири черде адазы-парий алтын эжиқтиг ақ эм турчадырзын. Пылар