Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

— По чашқа қарақка кӧрбен ашпа-табақ чиидибис, — теш- тилер. — Чажың узақ пол, палабыс! Аңда чӱӱнӱг ползаң, сағыжың кижинийинең да артық полтур, — теп, апшый-қуртуй по чаштарынаа шени ӱргӱнӱшкел, эрбеқтештилер. 13 Сағыштары аға чарып, эзиргенче иштилер. Иир саарғар пол- ганда, эзирип, чат узубердилер. Эртендеги кӱнде айыл турып, пазоқ одур иштилер, пазоқ эзиргенче ижип, чадып узуоқперди- лер. Пазағы эртенде апшыйба-қуртуй турып, анаң кӧргеннери: кечеги табақтары чоғул, тӱӱзеқ пеқтетсалтыр. — Эзе, аба-иче, — тедир, — мен аңма-қуштар аразынға чадып ӧскен кижи аң-қуш аразынға чӧркелейин, силер аштазар, по тӱӱзекти ажып, қанче керегин чиибалып одурар, — тедир. — Чиибалып, паза қарчы қақылабыссар, табақ тӱӱзеқке тартылып, тӱӱзектиң қалпағы чабыл парбодурар, — тедир. — Ээтсе мен чоқта пирда кижиге по тӱӱзекти кӧргӱспелар, пирда кижиге пербелар, кижи азырабалар, — тедир. — Мен ӱш кӱн поларға парчам! Абамның черлери кӧзӱбе чӧрип, айланыш келерге, пар­ чам. ӱш кӱнниң пажында айланыш келербин, — тедир. ӱш кӱнге полчаң салкел, апшақ палазы эзен-менчи перижи- бал, одағдың эжингинең шыға пасты. Апшыйба қуртуяқ ооларын сӱрӱже пае шықтылар. 14 Апшақ палазы одағдың на шықканда, тебинкел анаң чӱгӱрибис- кени: ноо-ноо черге парды, пылар кӧр, таппан қалдылар. Учуқпарды тезе, қанат шыылағы уғылбады. Чӱгӱрпарды тезе, азақ соқсуғы пилдирбенқалды. Қайа-қайа парды, оңнап полбан- салдылар. Оғлы парыбысқан соонда, элееде полғанда, одагынаң шығып, анаң кӧргени: ай-қара чыштың аразынаң адазы-парий қара ат шықчытқаны кӧрӱнди. Қара аттың ӱстӱнде апшыйғоқ чӱӱнӱг, андиғоқ чӱстӱг-паштығ, азақтығ-қоллуғ кижи одурсалтыр. Кӧрге- ни, ат пооң одағы саара келчитқан ошқаш. Қачан қошта келбодурғанда, маттап анаң кӧргени: кижизи адынға орта мӱне одуркелип, эзерди ийги қолыба маттап тудун- салтыр, ат ӱстӱнде арийле тудулча. Ады аны аш парбазын теп чилеп, қаран пазытпа келча. ӱстӱнде мӱнген кижизи кижи пил- бес қыймат кеп кессалтыр, позы чӱзи-пажы қыдазын чӱӱнӱг кижи.