Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Иир полыбысқанда, апшағаш эжиқ чанға, адаяқ чилеп, тӱрӱлпар, чат узуперди. Апшыйба қуртуяқ ээдоқ чат узудулар. Эртен апшақ палазы эжиқ чанға одуркел, ала-чаяанға ӱлгерле перди. ӱлгерледи-ӱлгерледи, тоқтабысты: — Амды, аба, одағыңның кестин пар кӧр, — тееди, — анда қара тӱйзек полар, аны пеере ал кир, — тедир. 10 Апшый одағының кестинге шығып, анаң кӧргени: шынабаза- да одағ кестинде ақчалым черде, пир қара тӱйзек турча. — Пооң алында мында пирда небе чоқ полған, по қайде полпарды! — теп, таңзынганче, тӱӱзекти алыбал, одағга ақ- кирди. Апшақ палазы: — Амды, аба, по тӱӱзекти ӱш қатнап қақылабызаперип, қалпағажын аш кӧр, — тедир. — Ажыбызаберип, «Эзе, тӱӱзе- геш, қай полғанзың, ноо ла пар табагыңны сал кӧрзеең», — теп айт, — тедир. 11 Апшый по айтқанма, тӱӱзегешти ӱш қатнап қақлапкел, қолпа- ғын ажып: — Эзе, тӱӱзегеш, қай полғанзың, қанче ле пар табағыңны сал кӧрзеең! — тегени, ала чаяна, одағдың ортазынға ақ сқатер чайылыбысты. Ақ сқатердиң ӱстӱнге шағанаң келип, кижи пил- бес улуғ табақ салылды: по чер ӱстӱнде ноо ла чичең небе — тооза салыл пӱтти. Апшый анаң кӧргени: кӱштың сӱди ле чоғулзың, арағазы кӧзӱбе чазалған полтур. Апшақ палазы апшыйба қуртуяқты: — Эзе, аба-иче, — тедир, — ноо кӧрчазар, чиибен? Мне, силерге ашпа-табақ, — тедир. — По силерге ижип чиирге чеп- селген табақ полчаң қайы, — тедир. — Одуркелип, қанче ле кереқ шени чиизаар! — тедир. Апшыйды: — Амды, аба, аңнап та чӧрбе, қуштап та чӧрбе. По чеп- селген табақ силерге по чаштарыңа ижип, чиирге полар! — те­ дир. 12 Апшыйба қуртуяқ пир чанынға одурдылар, апшақ палазы, оол- лары пир чанынға одурды, чиишке кирибистилер. Пылар ӱжеле одуркелип: «Паза ла парбас!» — тее*, чиидилер, анаң кӧрген- нери: ол табақтың қырыйы да қырталбантыр. Апшый-қуртуй аш ижип, тырбая-тарбая эзирижибистилер. Пылар ийгеле миндиг ашпа-табақты по чаштарынга чиибен- нер.