Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Ақ cap ат турсалтыр. Ат cap атқа қоштанышкелип, Челбир тӱктӱг чел четпес Қара кӱрең ат турсалтыр. Ат ужунда ӱш қулақтыг 340 Тебир қор ат турча: Чабыс келген пулут Чалбағаштарынға чара шабыл, парбодурча. Мӧзӱк келген пулут, ӱш қулағынға чара шабыл, парбодурча. Адаңмада, поғда ат Турсалтыр, — тедир, — по. Ат ӱстӱнең сегрибиза перди. Ийги атты пош таштапкел, Алтын ӧргее пас, кирибисти. 350 Алтын ӧргеге пас кирип, Эжик аш, эзен перча, Поза алтап, менчи кел пергенди, Парчын алып пир ӱнме эзен кел, перчалар: — Ақ чарықка толдура Тӱген Ақ Қаан По черге кирди, — теп, эрбеқтешчалар. Ээде эрбеқтешчитқан тӱштарында, Тоғус қатпаштың эжиги қайра шабылды, Анаң кӧргени: 360 Ақ Қааның оғлан тӱшта Ақ чарықта эбир чӧрген Алтын Қаан, нанчызы Ақ ағойақ* шени агарбоқ парған полтур. Пас шықты, паскел: — Эзензиң ма, Ақ чарықта толдура тӱген Ақ Қаан нанчы, — тепкелип, Оң қолун перкел, эзнешкелип, — Пеере, тоғус қатпаш тӱбӱнге кирең, — тедир, — Минде алыптар одурчитқан 370 Ӧргеге одурбассың, Тоғус қатпашка кирең, — тепкелип, Сӧртеп, кирибизе перди.