Фольклор шорцев: В записях 1911, 1925-1930, 1959-1960, 1974, 1990-2007 годов. - 2010. (Т. 29.)

Пара-пара келгенде: Мен айдарға табырақ полча, Ол парарға керим полбодурча. Алынаң артын, анаң кӧрбодурғаны: 300 Қырық ашқымнығ Алтын тайғаның Сырты кел кӧрӱнбодурча. Анаң кӧргени: ат чақшылары Арыға паспарғаннар полтур. Нандыра паспарған аттың чолу чоғул. Ат чолу пастырсанкел, Ноо, ора пазылпарған полтур. Чазағ кижи чолу, ноо, тоғра черинде Анда қара черди падыра пае, Чӱгӱр, парғаннар полтур. 310 Алтын тайғаның тӧзӱнге Сылағайлығ сын Эзер-қойну пелге келтӱштӱ. Сынғарапкел, кӧргени: По черге алып толдура кел, чылған полтур. Ақ чарық алыбы Ақ тасқылды наара паскел, Одурпарғаннар полтур. Қара айнаның қара тасқылды Наара паскел, одурпартырлар. 320 Қазан пузу ӱстӱнгӱзе Қырық тегриге урунбодурча. Қырық қулақтығ кӱле қазаның эбире Қырық чайзан эбире паскелип, Пӧктергиде шени Этти пыжыркел, ӱӱбсалтырлар. Тоғус қулақтығ қара қазаның эбире Тоғус чайзан паскелип, Этти ақ тасқыл шени ӱӱбоқ салтырлар. Пастыр тӱштӱ. 330 Пастыр тӱжӱп, анаң кӧрбодурғаны: Алтын шарчын тӧзӱнге Аттар толдура кел, пағлалпарған полтур. Ат аразында адазы-парий Аттаң артық алтын чаллығ 7 Заказ № 367