Якутские народные сказки - 2008 (Т. 27)

СОС с Х х )СОСОС х )СОС х Х рс )С с ) ОЛОХ-ДЬАҺАХ ОСТУОРУЙАЛАРА 28. ОНОҔОСТООН ЧУОКААН ИККИ ОЛООН ДОЛООН (ИККИ) 1 Оноҕостоон Чуокаан икки Олоон Долоон (икки) бааллар үһү. Бэрт эрэ диэн атастыылар үһү. Икки ыал буолан олороллор үһү, икки эр- дилэрэ кэс* аҥаара үһү. Оноҕостоон Чуокаан дьахтардаах үһү. Арай биир сасыарда Олоон Долоон Оноҕостоон Чуокааҥҥа ыал- лыы кэлэр. Дьэ, маны күөстээн аһаталлар. Былыргы киһи быһаҕа уһун буолар, икки харыска тиийэр. Олоон Долоон, аһаан бүтэн баран, быһаҕын дьилбэгэр1 сото-сото, эппит үһү: — Аа, бу дайды дьоно хатыҥ мае сыҥаһалаах буолуохтара диэби- тим, Хаан Харахаан тойон уола сыҥаһалаахтар ибит дуу! Онуоха Оноҕостоон Чуокаан кэтэҕэриин ороҥҥо тиийэн, аннын өҥөйөн көрөр2: арай хара киис саҥыйаҕын кэтэн баран, Хаан Хара­ хаан тойон уола орон анныгар киирэн3 сытар. — Абатын эбэт! — диэн баран, үрдүгэр түһэн, киис саҥыйаҕыттан ылар. Өлөрсөн бар* арай. Өлөрсөн, Хаан Харахаан тойон уола Оноҕос- тоон Чуокааны арай кыайаары гынан, онно ильэн саламалаа, иньэ ильэн саламалаа. Онуоха: — Олоон Долоон, быыһаа, өлөртөрүмэ! — дии-дии, ыһыытыыр Оноҕостоон Чуокаан. Олоон Долоон тура эккириир. Тура эккириэн, быһаҕынан Хаан Харахаан уолун быарын хаба ортотунан дьөлө саайар, өлөрөн кэ- биһэр. 2 Оноҕостоон Чуокаан этэр: — Ыат-татай! Өлөрдөҕүҥ куһаҕанын, бэйэҕинэн даҕаны быыһаам- наҕын? Хаан Харахаан тойон биһигини хайтах тыыннаах гыныаҕай? Кыайдаҕа диин, ханна баран киһи буолуохпутуй? — Чэй, мин быыһыам, мийигин эрэн! — диир Олоон Долоон.