Якутские народные сказки - 2008 (Т. 27)

Киһинэн куччаабыт, Кэргэнинэн аҕыйаабыт, 30 Ас-таҥас тэрийээччи киһи Наадата буолбут Оҕото буолабын. — Биэрээн! — диэбит оҕонньор. — Биэрэн-биэрэн! — диэн баран эмээхсин сайтаҥхалаан туран кэлбит. Дьэ үс түүннээх күн бүтүөр дылы ас-таҥас бөҕөнү астаан-үөллээн, тэрээһин бөҕөтүн тэринэн, малааһын бөҕөтүн бэлэмнээн, дьэ олор- буттар. 9 Ол олордохторуна, били Хонолдьуйа диэн ааттаах киһи күн дьааһыйа киириитэ, төрдүс хонуга буолар киэһэтигэр дьэ тиийэн кэ- лэр эмиэ. —Дьэ ийэлээх аҕам! Дьэ миигин киһи буоллун диэн аччылатан, дьон буоллун диэн сүрэхтээҥҥит ыыппыкыт. Бардар бараммат киэҥ ыраах сиргэ баран кэллим. Уута киэҥэ, күөҕэ элбэҕэ, көтөрө-сүүрэрэ үксэ, дьон баарын көрбөтүм. Эмиэ да үтүө дойдуга оҕум баран түһэр буолар эбит, эмиэ да ичигэс салгыннаах ил гынар эбит диэн, дьэ үөрэн-көтөн кэллим. Онтон мин сэппин буоллаҕына, биир маҕан, ку- туругун төрдүн диэки [харалаах], кынатын төбөтө [эмиэ харалаах] быһыылаах, кырдьыылаах харахтаах, кыһыл тумустаах, үктэнэрэ кыһыл, кыталык кыыл кынатын быыһыгар ылан уктан кэбистэ, көрөн турдахпына. — Хайа, мин охпун тоҕо уктан кээһэҕин? — Оттон кэлэн булбутуҥ да итиччэ, итиэннэ эппиттэрэ даҕаны, онон биэрбэппин. Дьэ бэриллибэт! — диэн буолар. — Ол гынан баран, оччоҕуна мин хайдах буолабын? — Үс хонон баран тиийиэм, киэһэлик түөттүүр ынах икки киэһээни ыккардынан соҕус булааннаан. Күн мае саҕатыгар түһүүтэ, дьааһыйыыта, тиийиэҕим, — диир. — Эһиэнэ буолтун иһин хайдах барыта көтөр ылар баҕайы- ный? — дии-дии оҕонньор баһын тарбанар. — Дьэ ол гынан баран, оннук баар, былыр-былыргыттан баар үһү эбээт! Сээркээн сэһэттэр, сэрбэкээн оҕонньоттор инньэ диэн кэпсииллэр ээ, — диир. 10 Ол гынан баран, хонуга-болдьоҕо туолан, чэ били соҕуруу диэки хайыспыттара — биир маҥан аттаах дьахтар сиэллэрэн дэгэтэн иһэрин уол киһи утары сүүрэн хонойон тиийэн, атын тэһииниттэн