Якутские народные сказки - 2008 (Т. 27)

аччыгый айыы кыыһа аннын испит. Буспуд истэрин сииллэригэр өйдөөҥ көөттөрө*: оҕоньньордоро һуох. Улахан айыы кыыһа: — Хайа оҕоньньорбут ханна барда? — диир. Онуга бииддэһэ: —Мин билэбин дуо? — дии түһэр. Арай тураннар оҕоньньордорун көрдөөбүтүнэн бааттар. Оннооҕу- маннааҕы бөҕү-сыыһы буккуйбуттар* даа булбатахтар. Онно кыра айыы кыыһа этэр: —Диэбэт таҕаны*! Маарыын арыыны иһэрбэр күөмэйбэр туоҕ эрэ биллэн ааспыта эбээт. Онно кытта һиэтэҕим дуу? — диир. Онно улахана этэр: — Кидьдьик таҕаны, һиэтэҕиҥ дии, — диир. Ити итинэн аас- пыт. 5 Хас таҕаны ый буолтар. Арай кыра айыы кыыһа оһоҕоһо улаатан, арай улам-улам ыараан барбыт. Кэмнээх кэмэ кэлбит, күннээх күнэ туолбут. Арай төрөөрү этэ ыадьдьыбыт. Улахан айыы кыыһа тыаттан тахсан хатыҥ быһаҥ киллэрэн тоһоҕо һаайбыт. Онон кыра айыы кыыһа төрөөбүт. Уол оҕону төрөппүтэ үһү, доҕоттоор. 21. ХОНОЛДЬУЙА УОННА ЫМАЛДЬЫЙА 1 Оҕонньордоох эмээхсин былыргы дьыл мындаатыгар, урукку дьыл уорҕатыгар, этиһиилээх дьылым элбээн турдаҕына, өлөссүүлээх дьылым үүнэн турдаҕына, олорбуттар эбит. Төһө өр олорбуттарын билбэттэр, хас сыл сылдьыбыттарын билбэттэр, аһаан-таҥнан ыамай- данан*, сиэн-аһаан сайталдьыһан сылдьыбыттар. Уоллаах кыыс оҕо- лоохтор эбит. Кыыс Ымалдьыйа диэн ааттаах эбит. (Ааттыахха ити- ни тупсаран биэрэ таарыйа.) Уола буоллаҕына Хонолдьуйа диэн эбит. Дьэ, доҕор, булт гиэнин бултаан, ас гиэнин бэрдин булан аһыыллар эбит. Сүрдээх хорсун-хоодуот дьоннор оҕолоро эбит. 2 Дьэ биир сарсыарда оҕонньордоох эмээхсин сүбэлэрин холбоон, сөһүргэстээн олорон, кэпсэтэн бараннар, аал уоттарын иннигэр оло- роннор: — Дьэ, биһиги оҕолорбутун дьиэлиир туһунан мин бөөлүүн түһээтим ээ, оҕонньоор, — диэн, эмээхсин оҕонньоругар кэпсээбит. — Сөөп, — диир, — дьэ эрэ!