Якутские народные сказки - 2008 (Т. 27)

луоҕа. Ону илдьэ киир. Ол гынан дьиэҕэр кэлэҥҥин, оһоҕун иһин хаһан-хаһан бараҥҥын, били икки сымыыккын онно көмөн кэбис. Ол кэннэ күлүнэн сабан кэбис. Икки сордоҥноох уһааккын хаҥас диэки ороҥҥо ууран: «Бэргэ-э-н», — диэн бараҥҥын, киһи харбыыр гына ууран кэбис. Үөт түрэххин оһох иннигэр өйөннөрөн кэбис. Ол гынан ынах иһэ дьэҥкэгэр тааскын модьоҕо ис өттүгэр ууран кэбис. Иллэрээ күн барыахтарын иннигэр [төрүөбүт] аҕыс кытыт сылгы, тоҕус тоҥуй ынах харбаһынынан бүрүннэри быраан кэбис ол тааһы сабан. Үрдүгэр быраан-быраан кэбис. Ол гынан модьоҕоҕо, ааҥҥа бүргэстэри саай. Атах оронун түннүгэр, биллириги түннүгэр, хап- кааннары иитэн кэбис, икки капкааны. Бэйэҥ буоллаҕына сытыы болоту ыл, үгүөх орон* муннугар түһэн хаал, — диир. 9 Ньыы-Ньыы эмээхсин отой саҥарбат. Эмээхсин ол курдук икки кутуйах арыалланан, сүүтүк сыарҕаланан баран айаан күөлүн тан-на­ ры барбытыгар — салгылаан-салгылаан баран тоноҕосторо харааран- харааран баран, харахтара дьэрэлиһэн тураллар. Икки саамай улахан сордоҥнор. Икки маһы ылан ытыттарар. [Ону] ытыраллар. Ону ылан уһааттаах ууга быраҕар. Онтон күөл тула сүүрэр, сүүрэр. Арылыас кус көтөн хантааран таҕыста. Аҕыс сымыыт лэһигирээн сытар эбит. Икки сымыыты ылан хоонньугар укта. Онтон дьиэтигэр кэлэрин саҕана илин очуос тааска, онно, сүүрэн тахсан, дьэҥкир хара тааһы көтөҕөн мадьатан таһааран сыарҕатыгар уурда. Баарын кини эппитин курдук дьаһайан кэбистэ. Оһох оройугар сымыытын у<у> рар, түннүктэрин тас өттүттэн сабан кэбиһэр, ти- мир хапкааны иитэлээн кэбиһэр түннүктэригэр. Модьоҕотугар бүр- гэстэри саайталаан кэбиһэр. Бэйэтэ буоллаҕына, биллирик орон мун­ нугар түстэ, үгэх ороҥҥо саспата. 10 Онтон, дьэ-э, кэлэр кэмэ буолбут. Күн дьааһыгыран эрдэҕинэ кэ- лэр идэлээх. Түөрт саҕана, аныгынан. Кэлэн, лиһигирээн кэллэ. Кии- рэн иһэн аҕыс ойоҕоһун алдьатта, тоҕус ойоҕоһун тоһутта. — Аата, абатыкайбын ини, оҕолоор! Бу Ньыы-Ньыы эмээхсин муодалаабыт ээ! Алдьархайбыын! Ньыы-Ньыы эмээхсээн, бааргын дуу?! Саҥарбат. — Хайа, бу дьиэтэ тугун хараҥатай?! — диэн баран. — Түннүгэ ханна эрэ баар буолла? — диэн баран, түннүгүн аһаары түннүгү ас- пыта: хапкааҥҥа түөрт тарбаҕын биирдэ быһа түһэн кэбиһэр.