Якутские народные сказки - 2008 (Т. 27)

батахпытына, үсүһүн үҥсүөхтээхпин куорат суутугар. Онон тылбын ыл<ын>ыахтааххын, кими көссөбүт да эмиэ ыйытынан, дьүүллэтэн көрүөҕ. 13 Бөрө сөбүлүүр, эмиэ чэ баран иһэллэр. Онуоха утары көссө түһэл- лэр кэтэҕэр кириэстээх, түөһүгэр күннээх, сирэйигэр ураанньыктаах хара саһылы. — Дьэ бу, хара тыа маанылааҕа, хара тыа гиэнэ өйдөөҕө-санаа- лааҕа, бастыҥ кылааннааҕа, кырдьаҕаһа, дьэ тохтоон биһигини дьүүллээ, улахан ииссээннээх дьон иһэбит, — диэн баран, төрдүттэн кэпсээн биэрэр хайтах буолтарын уонна хайбаты* кырдьык этэр. —Маны быһааран, ырангалаан кулу, — диэн оҕонньор көрдөһөр. Саһы<л> олорон эрэ күлэр: — Но, ноо! Дьэ төрүт сымыйанан* этэҕит, төрдүттэн барыта сы- мыйа. Хайтах бу бачча улаххан киһи бу хаа сыыһыгар батыай? Бөрө манна баппат. Тугу туойаҕыт? Кэбис, бу тылы тыллаһымаҥ, төрүт сымыйа сэһэн! — диэн. Оҕонньордоох бөрө: — Кырдьык да кырдьык, дьэ дьүүллээ! Хааҕа, кырдьык, баппы- та, — дии-дии айдаараллар. Саһыл кырдьыктаммат. — Но, һоо! Кэбис, сымыйа сэһэн*, — диэн баран ааһаары гы- нар. Ону оҕонньор: — Дьэ, кырдьык, дьүүллээ, тохтуу түс! Инньэ диэмэ, хара тыам маанылааҕа, бу билигин миигин сиэ<х> буолар, сытамматах дьоммут, быһаар! — диир. 14 — Дьэ оччоҕо, кырдьык буоллаҕына, бу хааҕа бөрөнү уган көрдөр. Батар эбит дуу, баппат эбит дуу? Оччоҕо харахпынан көрдөхпүнэ эр<э>, итэҕэйиэм! — диир саһыл. — Дьэ буоллун, көрдөрүөх даҕаны. Кырдьык көрдөрүөххэ, кини бэккэ итэҕэйбэт, — дэһэллэр бөрөлөөх оҕонньор. Оҕонньор хаатын айаҕын атытан биэртигэр, бөрө киирэн кууча- ланан баран сытан кэбиһэр. Ону оҕонньор тиһэн кэбиһэр үчүгэй- дик. — Дьэ бии* итэҕэйбэтэҕиҥ, батта буолбат дуо?! — диир оҕон- ньор. Ону саһыл күлэн баран этэр: — Дьэ тугу тураҕын? Охсуоххуна<н> оҕус, тэбиэххинэн тэп түргэнник, бу хааҕа сытар бөрөҕүн!