Обрядовая поэзия и песни эвенков - 2014 (Т 32)

4 Тар гуктэтын «Он-мал арунма тыкэл» —тар һакукал, тугурук ōдан, матавдан. Унтувунмэ саггава ōмӣл — нян эгэлгэтын кэтэ. Де, сайта унтувунмэ этэвкйл. Сагга ō унтувун. Бэюканмэ ōвкӣл, ōктардук, сēкталдук. Ōва бэюн депивкй, таргачӣн ōктардук овкйл. Эһилэ бэюкэнмэ ōрактын — саман нимгганивкӣ. уһакӯн тэвӯрилвэ ōвкил, дюр-вэл бэел, бердантсадӯ. Саман гарпувканивкӣ тар бэюкэнмэ. Тар нуітан унтувундуӣ бэюнмэ вавкй. Тар эһилэ унтувлэвкӣ. 136.ТОМКОЛГОН 1 Самандӯ самаһикилбан тōй аһй ōвкй. Томкот улливкй бō. Самаһиктӯн чӯрэктэлбэ, каптакакталбан ōвкйл. Каптакактава оноктот умурӯвкӣл. Каптакакталба истандӯн* бивкйл, чурэктэлбэ —ӯһэлдулйн. Тар аһал этэвкйл. Тадук саман нйміганывкй, томколговкӣ. Томколгон тара гунывкӣл. Эдэтын бумӯра томколговкй, н’алалтын эдэтын энӯрэ. Һунтул бугалва тар самаһикитпй н’энэвкй бō. Һэргӯ бугала-да иһивкй, бэевэ аитчана, омӣван мучӯвдяна, эмӯденэ. Тар уллирйл томкодӯ эрӯ багар тагавдин’ан, тарит уллидечэл аһалдӯ эрӯ бидин’эн. Бумӯлдин’этын- кэт бидиигэн. Эрӯ эдэн ōра, эрӯ тар томколдӯ эдэн һорра, нимн’анывкӣ. Тара томколгон гунивкил. 2 Тэгэвкйл аһал, эһйлэ нимкандяна, ун’тувундйвй гаһйливкй. Нимн’андяна, умнэт ун’тувундӣи арпулиһинывкӣ, аһал-кана тадӯ-ты н’алалбар дюлэскй бӯвкйл. Таһйһинарӣтан — аһал ігалалбар бӯвкйл! Эһйлэ тэдемэ-ты томко томкодйн гавкй, ичэмӣ-дэ —укгтувундӯн том- кол бивкйл. Тадук уллиденэл, аһал оноктолво гиривкйл бō, сулапимсак оноктокōр бивкйл эчэ, уһакар. Тарил нян уктувундулэн һоривкйл, эмэвкйл. Бутунну сулапимсак оноктокōр, томкокōр ун’тувундулэн эмэвкӣл. Тадук тар суламсатылван тоголō гарандавкй. Эдэтын н’аламйл ōра. Эдэн чинггэрэ, ēва-вал эрӯ эдэн чин’гэрэ. 3 Самаһиква сатарй ōвкӣ. Тар некэденэ, алгавкй: —Урэлгэкэл, томколгокол! Томко томкодин толлколгокол! Томколгокол, урэлгэкэл! Томколгокол, чинтэргэкэл! Эрӯ эдэн бирэ, урэлгэкэл! Н’аламйл эктын бирэ, томколгокол! — гунывки.