Обрядовая поэзия и песни эвенков - 2014 (Т 32)

САМАР ДЯВУЧАРИЛ 135. САМАН ЕКУКАРБАН ОДЯРИЛ ЭГЭЛГЭТЫН 1 Саман, унтувунэн ōдатын, гэлэвкй нӣе-вэл. Нюннивкй, ӣдӯ һакран бидинэн. Тар һакрадук унтувунъен ōвкӣл. Саман мэнин аямат бэелдӯ улгучэнивкӣ, йдӯ тар нунаннй һакран бидинэн. «Сигӯн дулиндукакун, юптумэвэн, һакраткан бидинэн, —гунивкй. —Тара бакаһал, унтувунув ōдавар». Эһилэ гэлэктэливкйл. Гэлэктэденэл, бакавкйл. Бэричйл некэек- тэдевкйл. Бакаһал, тар һакратканма тэкэндулйн пэктырэнивкйл, гун- денэл: —Эр дяваггат ōнат, Дяван'ат биһинни! Уігтувун ōнат биһинни! 2 Эһилэ пэктырэниһэл, бутуннӯвэ һакравэ эвкйл гара — токтоһинивкйл тэкэндулйн дулмаклан, тадук дэлпэлӣвкӣл, калтакаван гавкӣл. Калтакан, һакранй калтакан эмэнмувкӣ. Тадук бэювкйл, бэюнмэ вавкйл. Бэюн сэһэдин сэрэденэл тар мōва модявкйл. Тогово нян сэрэвкӣл. Сэрэденэл, унтувунмэ-гӯ, гēһикка-гӯ ōдянал гунивкйл: Эргэчӣн урумукэн Аруткан ōхгатыс! КЭТЭЛ ҺоКТОЛбо Н'ЭНЭДИН'Эс! 3 Эллэкин һакран матавра, һокэмдевкй-бō, пэһимдевкй, саманмэр тэгэвкэнивкӣл. Дюдӯ тэгэвкэнивкйл, дуннэду. Эһилэ мэндӯн матавкйл. Матавувкй. Матадянал, гунивкйл: Эр дяваігатын, Он-мал арӯнма тыкэл! Экэл судяра, арунма тыкэл! Горолй бугалй нэнэдин’эс! Горолй бугалй йннўдйігас!