Обрядовая поэзия и песни эвенков - 2014 (Т 32)

53. САЛЭЙДУ АЛГА Болонӣтыкин, бултāнадяна, эгдэн урэлвэн исми, Салэйвэ гэлэдинэс. Гэлэдинэс Салэйвэ, бэюнэ-дэ, андагӣва-да борйдан, уьгдэн. Бултāдяри гэлэвки, тыкэн гуннэ: — Салэй, Салэй! Эгдэндулэс эмэрэв, Бултāнадял эмэрэ. Иманна тыктэн — 5 Бултāнадя-эвэнки Бэйнэлвэ бултāнаран. Урэēлдукки, бираяддукки, Бэйнэлвэ мундулэ дёһунмувкāкал! Бэюрвэ, солонтōлво, 10 Улюкйлвэ*, андагйлва уігкэл! Бултāнадя сишсэнмэн ЬГāладун дявавкāкал! Эмэнэл, һулгāдярав. Кукакарвар аят иргитчэвун, 15 Сиьгкэнмэ бӯрэкис, Салэй, Салэй! 54. [УЛУМЭЧЭНЭЛ] Улумэчэнэл, орочōр сōт имандава гэлэвкил: —Умилькэкун*, иманавкакэл. Дюлдэлӣ, илиддулӣ Будунэкэл*, иманавкакэл. 55. БЭЮНМЭ ОДЁКЙЧИЛТЫН 1 Бэюнмэ нāн одёкйчивкйл. Бэюндылвāн сōт одёкйт, сōт одёчин'нара. «Бэюгэт» эвкил гунэ, «Эк», — гунывкйл, элэ сурувкйл. Кэ-лэ, вāксāл, эмэрэктын, депудепкил бо —кэ, арай сэрэксэл. Вāксāл, эмэрэктын — аннӯвкйл: —Кэ, ēрас? Ēкура бакарас? Ēдā сэрэчипчэл биһиллун? —Э-э, бэюрвэ бакарав, —бэюдерйл гунывкйл. —Э, Буркāн тыкэ бирэн, аят некэрэн (таьгара гуктэтын Буркāн, эдэвэр тара гунэ). —Э-э, аят тэкэчип, —бэюдерйл.