Обрядовая поэзия и песни эвенков - 2014 (Т 32)

—Сугй, сугй! Агилна н’энэкэл, Агилкал-йлтэнкэл. Котови һоктодӯс нэчэв, 5 Котов арчадяран синэвэ, Сукэв арчадяран. Агилкал дылй, Агилкал нгēгидалй! 18. ҺУЛГАННЙ Эдӯ Чукчагир биһин, һэгдындя, амутындя ламкгачйн. Билир бэел дюкэлй н’энэһинчэл Чукчагирва. Чэпэчэл. Тадук йтчй ōча. Чукчагирва энэ имтыра этэнны ьгэнэрэ. Һулгавкйл. Гэлэвкил: —Эһэкэ! Аят бивкэл! Эһэкэ! Аят давувкакал! 19. ДЮГДЮР-ЭҺЭКЭДӮ ҺИРГЭ Бугамйя! Аят ичэткэл мунэвэ — Имтыргэ дамгава нэдем. Синду нэдем, 5 Синду һулгадям. Дюгдюр-эһэкэ! Одё! Гудякэл! Һиргэксэнэ, Алгадям синэвэ. 10 Дюгдюр-эһэкэ! Кадардӯ нэнны. Ōкин-да энэл алгаһакса, энэ имтырэ* экэллу кэнэрэ. 20. ДЮГДЮР-АМИН БУГАДӮ АЛГĀ Дюгдюр, дёһун буга, Дюгдюрэкэн дюгдюр Амин-буга, Мӯһулкэн турэнмэв