Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Куруг кавайы-ла чыдар болу берген туруп-тур. Бир-ле кежээ 845 Ийи шивишкин Кады чугаалажып олурар бооп-турлар: "Бо дуне черле удувайн, Мөңге чуланы өөскүдүп Үндүрүвүткеш, 850 Ийи чодавыска салып алгаш, Адар даңны атсы көрүп олураалы, Бо кандыг-мындыг чүме болду?" — Дижип олурар бооп-турлар. Адар даңны атсы 855 Ийи шивишкин-даа Кадарып олурган иргин ийин. Даң бажы шара-хере, Даш бажы кара-шокар апарганда, Шивишкиннер удуп-даа 860 Калганы билдинмес, Ушкулап-даа Калганы билдинмес, Бир миннип кээрге, Кавайында уруг-даа чок, 865 Куруг кавайы чыдар бооп-тур эвеспе оң. "Сен согур, чүнү көрүп олурдуң?", "Сен согур, чүнү көрүп олурдуң" — деп, Ийи шивишкин кадай Алгыжып, кыржып-даа олурар-даа 870 Болу берген туруп-турлар. Дүъш чеде бергенде, Ийи шивишкин-даа Ыглашкан-сыктаппсан олурар бооп-тур: "Хаан, кадын 875 Бажывысты-ла алыр-дыр" — Дижип туруп-турлар. Аал артынче Эзер, казар ийи ыды Ээре берген туруп-тур. 880 Ийи шивишкин кадай үне халыжып келгештиң, Чиге соңгу чүгүнче көөрге, Бажының коңгураазы саглаңнаан, Балдырының эъди бырлаңнаан, Сезен серге кежи чөргээн 885 Авый-шавый тырттынган, Шил-Даг, Шилен-Дааның кырындан Бадып олуруп-тур эвеспе аан.