Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Чыткан иргин ийин. Бажының коңгураазы арываан, 710 Балдырының эъди катпаан Чаш оол Чаа-дайынның Эзин-сырынын төдү билип алгапггың, Сезен серге кежи чоргээн 715 Авый-шавый тырттынып алгаштың, "Ачам чүү бооп, Чүнү канчап тур?" — дээш, Улуг өөнге Бажының коңгураазы саглаңайнып, 720 Балдырының эъди ырбаңайнып кирип кээрге, Адазы бурганның алдында Буруңайндыр мыяктап, Ширээзиниң алдында Шириңейндир сидиктеп, 725 Үнген тыныжы-даа Кыскалай берген чыткан иргин ийин. Хаалгактыг Кадыг кара чаның Ужундан сегирип ап, 730 Кадыг кара хожууланың* Бизинден сегирип алгаш, Үндүр сөдүртү берген турган-на иргин ийин. Чаш уруг Ызыртынар-даа арга чок болу берген 735 Ийи буду-биле Кадыг кара чаны тепкен ояар Салаа бажы-биле Тырттына берген турган иргин ийин. "Бо чоруп олурган 740 Алдыы эрни Алдыы оранда Довураан сүрген, Үстүү эрни Үстүү оранда 745 Булудун сүрген, Амырга-Кара маңгысты Базып каар төөгүлүг болзумза, Өлеңниг сарыг ховудува Өрт-халап 750 Болу бээр-даа" — деп турган иргин ийин. Тырттынып-тырттынып "Мен атпаан мен,