Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Мен азыраан болзумза, Эки чүме-дир — деп 620 Орган иргин ийин. — Хавааның каъдын але, Уругларым, Он сес каът хавактыг, Арнын-бажын але, 625 Уругларым, Ийи кара хавак кирбииниң аразындан Хунан кара барыстың Ак-кара дугу унуп келген, Уругларым, — деп орган иргин ийин. — 630 Аксы-дижи А ужук-биле буткен-дир але, Уругларым, Аштаан-суксаанын Эмиг дилей берди" — дээштиң, Дылын эмзире берген олурган иргин ийин. 635 Оолдуң аксы-биле Кадайның аксындан Көвүктүг-ле кызыл хан Тооңайнып-тооңайны-ла берген туруп-тур эвеспе оң. "Кижиниң оглун тудуп алгаш, 640 Чуу бужар, Чуу чудек кадай Кирип келгенил?" — дээштиң, Дор бажында Далай-Байбың хаан тура халып келгеш, 645 Кара саар кадыг идии-биле, Кадайның төш бажындан тепкенггиң, Оглун ушта согарга, Шулбу кадайның Өгүн ушта con эккелген туруп-тур эвеспе оң. 650 Хан-чини Ол хаан дужулгезинде Орукталы ага берген туруп-тур эвеспе оң. Оон айтызаан-артыжаан — Тынмаан 655 Тос аржаан-биле Оглун чуп турган иргин ийин. "Аай баштыг кижи эвес — дээш, — Шулбу бооп чадавас-тыр" — дээштиң, Сай-сөөгүн 660 Кара черинге Кастырып-хомдуруп-даа турган-даа иргин ийин. Үш хонганда