Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Бора-Хөл аъдын туткаштың, Улуг кужак баглаажынга 170 Баглап турган иргин ийин. Көдээзинге хөлестеп, Удаандан бээр Далай-Байбың хаан Өгден үнмээнден бээр алзы 175 Үш чыл болу берген турган ийин. Ай, хүн-биле хээлеп тургаш кылган, Алдын, мөңгүн эзер, чүгени-биле Бора-Хөл аъдын эзертенип, чүгенненип Мунуп алгаш, 180 Айның чаазы, хүннүң эртезинде Шил-Даг, Шилен-Даг чуртунуң кырындыва Чортуп үнген туруп-тур эвеспе оң. Үш хортан эртинени, Үш бак чаяанны 185 Көрүп орар, Үш кулаш Сарыг судурунуң Өң каптаазынныг кара дажын Хакпаңайндыр ажыдып, 190 Ажып-шүүп көрүп олурган иргин ийин. "Улуг чурттуң күрүзүнде мен Хаан төрезинден Төрел аралчыр* болзумза, Ара-албатыдан 190 Эки оол төрүттүнер бе?" — деп, Ажып-пгүүп көрүп орган иргин ийин. Окта чок болган турган иргин ийин. "Кода-хүрээде Чүү боор?" — деп, 200 Ажып-шүүп көрүп орган иргин. База чок болган туруп-тур. "Ал-ботта чүү барыл?" — дээш, Ажып-пгүүп көрүп олуруп-тур. Ал-бодунда бар болган-даа турар бооп-тур эвеспе аан. 205 "Эки-ле чүме болган чүме-дир" — дээш, Үш айда үргүлчүлеп, Ажып-шүүп көрүп олургаш, Өң каптаазынныг кара дажын Каптаазыннап каавыткаштың, 210 Бора-Хөл аъдын Мунуп алгаштың, Далай-Байбың хаан