Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

ХУНАН-КАРА Шыяан! Шил-Даг, Шилен-Дагны чурттап турар Далай-Байбың хаан деп Хаан турган иргин ийин. 5 Чүс сес хуулгаазынны хуулгап турар Сай-Тоюң кадынныг-даа Чумези* иргин ийин. Кара хөлдуң кыдыында оъттап турар, Алдан ийи 10 Адыр мыйыстыг, Он сес азыглыг, Үш куспак кудуруктуг, Үш илиг дуктуг, Алдан кулаш дурттуг, 15 Бора-Хел аъттыг-даа Чумези иргин ийин. Шил-Даг, Шилен-Даг чуртунда Алажындан Ала-Яндан 20 Ыяштыг-даа чумези иргин ийин. Алдын-Булак, Мөңгүн-Булак Суглуг-даа чумези иргин ийин. Өвүрзүнде чиңнеп хавырар 25 Өле-булалыг-даа, Арызында чиңнеп хавырар Арбын-тумен алалыг-даа Чумези иргин ийин. Хоюнуң кадарчызы — 30 Хоюскан ашак деп Кадарчылыг-даа чумези иргин ийин. Чылгызының хавырчызы —