Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Мал-даа бир тура дүшкеш, оолдуң Карак одун кызаңнады, 4365 Кара баарын халаңнады, Мөөп туруп берген. Эки аъттың мөөрү-биле мөөп келгеш, Бир айда мөггеш, тура дүшкен. "Чоп могавас, мооравас кулугур боор? 4370 Ам-на могап туруптуве моң!" — дээш, Дүже халаан. Малы: "Мен могаар, турар чүве кайда боор! Сеңээ мен эки аът бооп шыдаар-дыр мен, 4375 Мэңээ сен-даа эки ээ бооп шыдаар-дыр сен!" — деп-тир. Оол тургаш "Меңээ сен эки аът бооп шыдаар-дыр сен, Сеңээ мен эки ээ бооп шыдаар-дыр мен" — деп-тир. Эр-даа эки аъдын 4380 Эде-чаза эзертеңгилээш, Хап чанып кээрге, Амданныг аъш-чемин салып берип, Үжелээ че^ненип олургаш, Адазы: 4385 "Аъдың хорам чүве ышкаш бе, оглум?" — деп айтырган. Оол: "Оргу черни оя-даа, Дески черни деже-даа мөгдү" — деп, Аъдын мактап хөөреп олуруп-тур эвеспе. 4390 Адазы: "Чаа, оглум, уйгуң удуп, Дыжың дыштан" — дээш, Кылын дөжээн чадып, Бедик сыртыын салып берген, 4395 Удуп чыдып алган. Аъдын салгаш, Оолга болгаш аъдынга Ат тыпсыыр дээш, Арага-хымыс, аъш-чем 4400 Белеткээш туруп берген. Бир айда белеткеп келген. Оол-даа айда удааш, туруп кээрге, Адазы: "Чаа, оглум, аъдың тудуп эккел! 4405 Аъдыңга болгаш бодуңга Ат тыпсыр-дыр" — дээш, чоруткан.