Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

4145 Кажан хереглээрде, ап бээр сен" — дээш, Берип каггаш, аътты салгаш, Аалче хап чоруп олурарга, Адазы орук аскында бызаа кадарып, Чадаг бо чораан. 4150 Хап кээрге, Орук чайлаар дээш, ойта барып душкен. "Адыр-адыр, кырган, чончап баардың? Анаа чугаалажыыл" — деп, оожургадып, Адазын кээргээш, хөрек-чүрээ хайнып келгеш, 4155 Аъдындан дуже халаапг "Бээр дыңна, Сээң оглуң Боктууң мен-дир мен. Мен силерниң дайзыныңар Сараатайны базып кагдым, 4160 Ооң кежегези бо-дур, Ам чер-чуртувусче чоруур бис" — деп, Адазынга бүзүредип-тир. Ашак оглун ам кээп бүзүреп, ыглап, Түрегделин чугаалап туруп-тур эвеспе. 4165 Адазын: "Бызаа кай баар, чана бер!" — дээш, Авазының олурар өөн айтырып алгаш, Хап чой баргаш, Сараатайның улуг кадайының өөнге 4170 Хап келгеш: "Сен бо огден дораан унгеш, Дөө өгге бар, Кижи эт, малы олчалап ап чораан Эриңниң кежегези бо ийикпе?" — дээш, 4175 Кежегени бергеш, үндүр ойладыпкаш, Кырган ада-иези-биле Экини чугаалажып, каттыржып, Бакты чугаалажып, ыглажып Олуруп-тур эвеспе. 4180 Боктуг-Кириш Сараатай-Мөгениң Улуг бүрээзин тыртып, Улуг албатызын чыып, Биче бүрээзин тыртып, Биче албатызын чыып алгаш, 4185 Кайда болза малын дыглырып, бөлдүрүп, Бир айда белеткээш, Адазынга Сарыг-Шокар аътты мундургаш, Иезинге кырган-даа болза, Өзен-Куланы мундургаш,