Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Эгин, чарын алдынга дүжүп көрбээн, Эрниң эрези Сарыг-Шокар аъттыг Сараатай-Мөге деп кижи Мен боор мен. 4065 Ары-чаага ап чоруур херекселим аалда-дыр. Адаан-мөөрей күзеп келген чүве болзуңза, Иелерниң төрүп кагган Дөрт мага-эът боду-биле көрүшкей бис аан" — деп, Ажынып, хорадап турган-дыр эвеспе. 4070 Боктуг-Кириш тургапх "Харын олут кижээ чугаа, Чорук кижээ саат кылбайн, Дөрт мага-эът — биле Көрүшкей бис аан" — дээш, 4075 Хөлчүк болган ала караан Хөлүңнеди көргүлеп, Арын Хирээти болган ала караан Аңдара-дүңдере көргүлеп туруп-тур эвеспе. Ийи эр ам эртен хүрежиир болгаш, 4080 Ийи талаже чортуп чоргулай Барып-тырлар эвеспе. Боктуг-Кириш ховунуң ол чартыындыва Хап чой баргаш, Аъдын киженней соп каггаш, 4085 Алдан могеден ажыглап, Сезен могеден сезиглеп туруп кылган Алдан-сезен буур кежи шодак-шуудаан Ине бажы сыңар хос чок кылдыр Алдыыртан өөрү, үстүүртен куду 4090 Ыгый-дыгый тыртып, кедип алгаш, Манап олурда, Даң бажы шара-хере, Даш бажы сарыг-шокар чорда, Сараатай-Моге Кара черин сиртиледи, 4095 Көктүг черин хөлбөңнеди Девип чоруп олуруп-тур эвеспе. Боктуг-Кириш удур девип чеде бергеш, Ийи эр-даа дээриглеп дээскинчип, Эргилчип, долганчып туруп-туруп, 4100 "Кап-шак!" сегиржип алгаш, Үш айның тозан хонукта Тутчуп келгеш, Боктуг-Кириш бир эптиг тудужунга