Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Улуг бай аалда Бирээзи бызаа кадарып чор, 3885 Бирээзи инек саап турлар" — деп-тир. Дыңнаар-Мерген олургаш: «Ол аалды дыңнааш, дыңнааладым. Сээң ада-иеңниң чугаазын дыңнаарымга, "Бо кончуг хортан дайзын 3890 Сарыг-Шокар аъттыг Сараатайның Кадыг ажылындан, Халанчы аскындан Чарлыр хүн бар чүве ирги бе, Чок ирги бе? 3895 Эдик-хеп элээн, Эьт-бот кыраан — дижип", Хыйланып турганын дыңнадым» — деп-тир эвеспе. Күжүр Боктуг-Кириш ону дыңнааш, Сагыш-хөрээ дакпыжап, 3900 Ийи сайын Улааттарынга: "Мен-даа ада-иениң Адаан-өжээнин негеп чоруптайн, Силер оран-турлаагарже Моорлап чоруп туруңар" — деп-тир эвеспе. 3905 Боктуг-Кириш-даа чөөн чүгүн шиглээш, Булуттуг дээрниң адаа-биле, Будуктуг ыяштың кыры-биле Чылдык черни айлык кылып, Айлык черни хонук бодап, 3910 Бедииниң белин тепсип, Чавызының бажын бастырып, Аян-чорук кылыр Аян-шинчи кире берген, Сыыгайндыр сыгырып, 3915 Сыгыртып, сырланып, Ырлагылап каап чоруп орган. Аян-Кула хоя дүшкүлээрге, Кодан дег чер ойлуп чаштап, Тайзы-тайзы баскылаарга, 3920 Даг, дажы сөкпүненип чорааш, Чеди чыл черни Чеди ай болгаш хап чедип кээп-тир. Чергелешкек тос тайганың баары-биле Тос артты ажып, 3925 Тос хемни кежип келгеш, "Бо орта аът, бот дыштандырып алыр-дыр" — дээш, Таңдының аар ийинден