Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

3840 Айда удуур уйгузун Удуп чыдып ап-тыр эвеспе. Боктуг-Кириш айда удааш, туруп кээрге, Хереглээр хамык чувези белен, Аяң-Куланың ишти-хырны 3845 Чарап соодуу-даа таарышкан Ийи кулаа-биле ак, кара булутту Соңгаар, буруңгаар көжүрген, Девиржээн туруп-тур. Боктуг-Кириш дээрзи 3850 Хереглээр чувезин калбак кара таалыңга суккаш, Айда чылда аштавас-суксавас Аъш-чемин челшенип, Кадайынга чагыг-сөзүн чагааш, Аяң-Кулазын эзертеп муңгаш, 3855 Кадыг кара чазын чуктээш, Хайбыр кара хожуулазын хоюлдуруктааш, Айның чаазында, хүннүң экизинде Ыдык бора тейниң кырынче Хап уне бергеш, дагылгазын дагып, 3860 Ийи сайын Улааттарын Кырган ада-иезиниң кайнаар барганын, Өлүг-дириин сумелеп бээрин дилеп, Үш хонгаш, дыңнадырын дилээш, Боду хопчу каразынче хап бады кээп-тир эвеспе. 3865 Бир айда ашса ажар, Аххшаза ашпас Хопчу кара судурун ажып, төөгүп олурарга, "Ырак эвес чөөн чукте, Тос хемниң, тос арттың ындында, 3870 Узун-Кара-Хемде чурттап турар, Элегдээн, турегдээн дириг бар — деп Дужуп турар мындыг бооп-тур. Ол ынчап аштынып-шугдунуп олурда, Сайын Улааттары четкилеп кээп-тирлер. 3875 "Экерлер, эрестер, чуну билдигер? Уу-шии кайдал?" — деп айтырып-тыр эвеспе. Көөр-Мерген олургаш: "Чиге чөөн чукте, Чеди чылдык хире черде, чергелешкек 3880 Тос тайганың ындында, Тос хемниң ындында, Бир улуг хемде