Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Хунаап, хемдип каапты, 3575 Ийи кышкырар кара Эдеримниң ийи көөрүн база Дежип каапты" — деп ойзуп чугаалап-тыр. Хаан олургаш: "Мээң хенним черле берге-дир" — деп, 3580 Сактып олуруп-тур эвеспе. Караты-Хаан оглу, хеннинге Эт-мал, ара-албатызының ортузундан Деңнеп үскеш: "Ак-Хемге чурттаңар!" — дээш, 3585 Кара-Сагыл кудазынга база Ак өгнү тиккеш, Эт-малды туразында хереглээр кылгаш, Оглу, хеннинге хаан: "Силер кырган ада-иеңер 3590 Азырап карактап чоруңар!" — дээш, Кады хондуруп каап-тыр эвеспе аан. Шыяан ам! Боктуг-Кириш тайга-таңдызының Дагылгазын дагып турарга, 3595 Эңгиргейниң ээзи Эрээн-Улаат Эр ала эзир бооп ужуп келгеш, Оң талакы эктинге хонуп, Эвирлип, чавырлып, Кыңгыргайның ээзи Кызыл-Улаат 3600 Кыс ала эзир бооп ужуп келгеш, Солагай чартыккы эктинге хонуп, Эвирлип, чавырлып туруп-тур-ла эвеспе аан. Ол ийи сайын Улааттары-биле сүмележип: "Мен кызыл чалымда 3605 Хопчу карам бар болгай, Оон бир көрейн, Көөр-Мерген керүп, Дыңнаар-Мерген дыңнааш, Үш хонгаш, 3610 Мэңээ бир сүмеден кадар силер" — деп-тир, Олары: "Чөп-түр" — дишкеш, ужуп чой барганнар. Боктуг-Кириш ол каккаш, Кыңгыргайның хүнгээр чартыында 3615 Кара куйга келгеш, Тос допчулуг алдын согул иштинде. Хопчу каразын ажып көөрге,