Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

3530 Хартыганы канчап кагган хаан боор? Оруктуң бо чартыында чүү барыл? Дүү чартыында чүү барыл?" — дээш, Дүү чартыындыва булаңайнып, Бо чартыындыва булаңайнып кергүлеп, 3535 Ада-иезиниң сөонче базып Чой барып-тыр эвеспе. Хаалар уругнуң чугаазын хаанга чугаалаарга, Шында-ла дээлдиген биле хартыганы Уткан бооп-тур. 3540 Чадаг улусту уткудуп, Үш аътты чедискеш, Үш кижи чоруткан. Кудалары кээрге, Хөй чонну чыггаш, 3545 Бир айның үжен хонукта найырлааш, Чон-даа тараан. Ирей, кадай-даа чанып-тыр эвеспе. Хаан бир хүн хеннин кел деп эккелгеш: «Бо хүн хойну сен кадарар сен, уруум, 3550 Сээң ойзуур чүвелериң болза, "Хая” дивес сен, "суг" база дивес, "дыт" база дивес, "Бөрү" база дивес, "кускун" база дивес, "карак" база дивес. "Соктап" база дивес, "чип" база дивес, "Хой" база дивес сен!» — дээш, 3555 Хоюн кадартып чорудупкаш, Ийи бөрү тудуп эккелгеш: "Хойдан бир хойну хая баарынга, Суг кыдыынга, дыт дөзүнге чип каггар!" — дээш, чоруткан. Ийи кускунну: 3560 "Силер ол хойнуң карактарын Барып деже соктаңар!" — дээш, Чорудуп каап-тыр эвеспе аан. Күжүр Бора-Шээлей Бир хоюн бөрээ хунаап чидиртипкеш, 3565 Кежээ чанып келгеш, Бээниң өөнге кирип кээрге, Хаан оргаш: "Хоюң менди кадардың бе, уруум?" — дээрге, Бора-Шээлей оргаш, харыылап тур: 3570 "Менди эвес ийин. Мээң бир эдеримни ийи улуур Туругнуң баарынга үңгээш, Дөзүнге акканның кыдыынга