Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Чоогуңга кээрге, Ковайып келгеш, 3355 Баштарын коңгурады силгиир сен. Чүнү чугаалаар эвес, Топтап, дыңнап ал!" — дээш, Бир тавак дус чуургаш, Бир хапка уруп берген. 3360 "Ак-Хелшиң мээзинде Көк дүвүрең бар. Дузуң чажып алгаш, манап чыт, Ак кодан келгеш, Бир чүве чугаалаар” — деп чагааш, 3365 Чорудуп каап-тыр эвеспе аан. Ашак баргаш, Кок ийге харап олурарга, Ак баштыг адыг оъттап келген, Ковайып келгеш, экти-мойнун силгиленирге, 3370 Адыг көрүп туруп-туруп: "Арзайтының ары чарыынга, Алдан чашты чажаан мен, Бээр ийинге бежен чаш чажаан мен, Адыр баштыг кижи-даа корбээн мен, 3375 Чүдек-чадак-даа чүве-дир" — деп, Киңгирткейнип чой барган-дыр. Ак-Хемниң мээзинге келгеш, Кок хайырга дузун топ алгаш, Манап чыдарга, 3380 Ак коданнар чыылгаш, Былаажып чылгап турда, Бир улуг кодан келгеш "Мен Ак-Хемниң аргазынга Алдан чыл болдум, 3385 Алдан чашты чажаан мен, Алдан ак оолдуг мен, Мындыг чаагай чүве Чылгап корбээн мен" — деп, Тодугайнып чылгап олуруп-тур эвеспе. 3390 Ашак уруунга келгеш, чугаалаарга, "Хааныңга барып чугаалап бер, ачай" — дээрге, Ашак хаанга ол-ла хевээр чугаалаарга, Хаан даартазында аг-шериин эдерткеш, Аглап тургаш, 3395 Ак баштыг адыгны тудуп алгаш, эрээдээрге, Ашактың аксы-биле домей болган, Ак кодан база-ла домей болган,