Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Бир чүвениң уун айтырып албас бе?" — деп Бодааш, хап орда, 795 Аъды тура душкен. Дуже халааш: "Арбас-турбас Аяң-Кулам, Чоп турдуң?" — деп-тир. Аъды тургаш 800 "Кижи черинге бо-ла хевээр Чоруур сен бе?' — деп-тир эвеспе. "Шынап-лаындыг чуве турганы чул" — дээш, Таагылыг кула чаваалыг, Кидис хевенектиг, 805 Ыңгыржак эзерлиг, Ыяш эзеңгилиг Балдыр-бээжек оол бооп алгаш, Хөкпеңнеди шошкудуп чоруп олурда, Теве кадарчызы көрүп каггаш, 810 Доза хап кээп-тир. Дуже халааш, Ашактың амырын айтыргаш турда, Ашак мендиниң харыызын бергеш; "Аал-чуртуң кайдал? 815 Аъдың, бодуң ады кым боор? Кайы углап-шиглеп, Кандыг аян-чорук кылып чор сен, оглум?" — Деп-тир эвеспе. Оол тургаш; 820 "Менде аал-чурт-даа чок, Аът, ботта ат-даа чок, Арызыннан апггаан, Өвүрүннен элээн, Өскүс-чаңгыс кижи мен, ирем, 825 Бора быдаа, божа-хойтпак Сактып чоруур кижи мен. Бо суруг кым деп хаанныыл? Силерниң ат-шолаңар кымыл? Кым деп хаанның 830 Кадарчы-хавырчызы силер, кырган?" — деп Айтырып-тыр эвеспе. "Мен Хүн-Хаанның тевезиниң кадарчызы Ак аъттыг Агылдыр ашак деп Кижи мен, оглум" — деп-тир. 835 "Силерниң хаан чонунга Кадыг халанчызы кайы хирелиг хааныл? Бора быдаа, божа-хойтпаа