Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

300 Эзерин салырга, Сес диштиг мал болган. Үш дакпыр хөмүлдурге, кудургазын болгаш Он алды конун санап, Таарыштыр тыртып кээрге, 305 Чедишкен сер-чалыы кула аът бооп, Таңды дег сынныг, Үжен кулаш дурттуг, Үш куспак кудуруктуг, Ийи кулаа ак, кара булутта четкен, 310 Кайгамчык кула аът бооп, Оң, солагай холу-биле Кара черни сиртиледир каккылап, Девиржип турган-дыр эвеспе. Эр-даа адазының аныяк чорааш, кедип чораан 315 Кара саар идиин, Кара торгу тонун, Кара киш кежи бөргүн кеткеш, Дажы торгу курун куржангаш, Болат бижээн азынгаш, 320 Кадыг кара чазын чүктээш, Хан хожуула огун хоюндуруктааш, Олура кааптарга, дыңмазы көөрге, Бөргүнүң дошказы Эңгиргей тайганың бажы-биле деңнежип турар, 325 Хаваан көөрге, Кадыр тайга арны-биле дөмей, Хөлчүк дег ала карактыг, Көгей дег эр бооп Көстүп олуруп-тур эвеспе. 330 Эр-даа тура халааш, Аъттаныр деп баарга, Дыңмазы тургаш "Аъдың чоп оглаа хирелиг чүвел моң? Ок-чаң дүжүрүп кагбас сен бе? 335 Малды канчап билир, акым", — деп-тир. "Шын, ындыг-дыр але, дыңмам," — дээш, Ок-чемзээн дүжүргеш, Алаңгы, соңгу эдээн Авый-шавый азынгаш, 340 Чанынга чедип кээрге, Ыңай-бээр девиржип хөөрээш, Мундурбас боорга, Демир кижен-биле киженнээш, Дыңмазынга так кылдыр тудускаш, аъттангаш: