Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Эштен эш бо-ла-дыр" — дишкеш, сегирип алырга, Чууй соп кааптар, мындыг болган. "Үрде төрээн бе дээрге, 215 Челинде, хокпазында чаш шаразы ам-даа бар, Чоокта торээн бе дээрге, Кажаа доразындан сиген үзүп чиптер, Кижээ база күш четтирбес". Кайгап, сүмележип тургаш, 220 Кажааның аксын дуглааш: "Чылгы оъттаар черде Мал дүгү бар боор. Чыып алгаш, аргамчы эжип алгаш, Ооң-биле баглап албас бе" — дишкеш, 225 Салчып чоруткаш, Өлген богба, чаваа Чел-кудуруун ой-чикте боле шаап каап болган. Оон аргамчы эжип алгаш, шалбалааш, Боой соп тургаш, 230 Эмеглежип, чуларлап алгаш, Чедип чорааш, арай деп одаанга эккелген. Суйбап, дырбап, Оът-сигенниң экизин чулуп берип, Боттарының ишкен шеңне шайындан сооткаш, 235 Аксынче кудуп: "Чем-биле чем домей-ле ыйнаан, Чаш-биле чаш домей-ле ыйнаан" — дишкеш, Ишкениннен* ижиртип, Чээниннен* чидиртип, 240 Дырбап-суйбап кээрге, Боттарындан чарылбас, Эдере чүгүрүп чоруур, четкеш, Чүгүрерге, чүгүрүп. Кылаштаарга, кылаштап чоруур 245 Болу берип-тир эвеспе аан. Боктуг-даа эр бооп, өзүп келген: Кадыр хавактан өргезин-даа өлүрүп эккээр, Кара суундан балык-байлаңын-даа өлүрүп эккээр. Ынчап тургаш, балдызын чидиткеш, 250 Чарт ыяш чадыр тудуп алган. Ол ынчап чорларда, Кеткен хеви элеп, үстү берген-дирлер эвеспе. Бир хүн Бора олургапг "Мен сеңээ чугаалаар дээш, 255 Көңгүс уткан чүвем бар, Ам чаа сактып келдим, акым" —