Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

БОКТУГ-КИРИШ, БОРА-ШЭЭЛЕЙ 1 Шыяан ам! Эртенгиниң эртезинде, Бурунгунуң мурнунда Чиге соңгу чүктен бады келген 5 Элдиг-Кара хемниң белдирин чурттаан, Эктин ашкан эттиг, Бажын ашкан малдыг, Назын дөгүп, кырый берген, Өзен-Кула аъттыг, 10 Сулаапай деп кадайлыг, Өкендей-Мерген ашак Чурттап турган чүве-дир эвеспе аан. Өкендей ашак аныяк чораан шаанда, Үстүү сагында 15 Үжен улу сиилип кылган, Алдыы сагында Алдан улу сиилип кылган, Кадыг кара чалыг, Хан хожуула октуг, 20 Тос чүстүг кара дуранныг, Тойлу шил көрүнчүктүг, Тос допчулуг, Алдын согул иштинде чыдар Хопчу кара судурлуг чүве-дир. 25 Өзен-Кула аъды Аныяк чораан шаанда Хүлер, хүмүш Чулар, чүгенниг, Хөл болган хөлбең кара чонактыг, 30 Арт болган аңгайган-кеңгейген эзерлиг, Үш дакпыр хөмүлдүрге, кудургалыг, Он алды колуннуг чүве-дир.