Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

База-ла Сарыг кидис хевенээ-биле 4985 Саглаңайндыр чүгүрүп келгештиң, База-ла согунну дажый берген турган иргин ийин. База-ла чүзү боор, Шулбунуң талазы Уттуруп турар, 4990 Өске талазы Удур чокшуп-даа турган иргин ийин. "Чоп-даа адаарганчыг, Чоп-даа анчыг Хаан боор!" — дээштиң, 4995 "Ол орта-даа Мен адып көрейн, хаан" — деп Турган иргин ийин. "Чаңгыс чазар болзуңза, Кара бажыңны 5000 Алыр чүме, кулугур!" — деп Турган иргин ийин. "Кижи аткан чүмени Кижи атпас, Канчап барган чүмел — деп, — 5005 Хунан-Караның Өкпе-чүрээн Өрттендир-хуюкталдыр Адайн, хаан!" — дээш, Кызытпа чазын тырттынып, 5010 Ада берген турган иргин. "Хунан-Караның Өкпе-чүрээ Өрттени берди" — деп, Хөөреп турган иргин ийин. 5015 Ол хүннү бадыр Шулбу хаанының талазын Каш удаа адып-даа алган турган иргин ийин. Шулбу хаан айтыра берген Турган иргин ийин: 5020 "Кайы аймактың Кижизи сен?" — деп Айтырып турган иргин ийин. "Хая-даштыг Мен болза, 5025 Калдар-барыс шулбуларның Өөрү мен" — деп Турган иргин ийин.