Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Оруун хаалады чораан дег болза-ла, Бышкызын былгыргылаарга, 4625 Сарыг ховуда чылгы-даа Кажыккылаштыр тырылдыр Болдуне берген турган иргин ийин. Ашак-даа Шил-Даг, Шилен-Даг чуртундува 4630 Дээринде доозунун кожайты Чылгызын сывырыпкаш, Чанып чоруп-ла берген туруп-тур эвеспе аан. Хунан-Караның ишти-хөңнү Көвүдеп орган иргин ийин. 4635 Аксын туттунуп Олуруп-тур эвеспе аан. "Арга-чуулзу-даа херек-ле болгай, Ада-иемниң Амыр-мендизин 4640 Айтырып алырым кайык" — деп Олурган иргин ийин. Кара-богбазын Мунуп алгаштыц, Элеңнедип-тендиңнедип 4645 Чоруп олуруп-тур эвеспе аан. Ол чорутса Кара-Көгел хаанның Кара тайгазының белинде Кода-хүрээзин көөрге, 4650 Эзим арга-биле буткен, Чалым туруг-биле буткен, Туруп-тур эвеспе аан. Кода-хүрээниң Дээр дөпчүүнден башка, 4655 Кирер, баар-даа Чер чок турган иргин ийин. Ынчап чортуп Чоруп олурарга, Кара туруг ышкаш 4660 Кода-хүрээниң Мурнуку талазында, Карак четпес Сарыг ховунуң ортузунда, Шулбунуң ара-албатызы 4665 Кара будут ышкаш Хайынган турган иргин ийин. Халаңнады-элеңнеди