Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Күжүр Хунан-Кара Үзе кезип, 4580 Үзе шылый соккаш, Улуг одун ужудупкаштың, Шыктыг-шыктыын Ашактың кара таалыңынга Тырып-дыгып олуруп-тур эвеспе аан. 4585 Кадыг сөөгүн каккырып, Чымчак сөөгүн сиңмирип, Илби-шиди-биле Ашактың караан кежегелеп, Муң шидизин шидиледип, 4590 Ажырып олуруп-тур эвеспе аан. "Чоруу-ла чогузун, Мөрү-ле мөгейзин, Шулбунуң Кара-Көгел хааны Бо чылгыны ончалап, 4595 Даңзылап турар Шаа бар эвес. Чаңгыс хырным тоттурдуң, Ийи кара кускуну Бар, оглум. 4600 Ийи кара кускун Көөр болза, Санчок болгай. Адыг-даа кылгаи санчок. Ам бир чаңгыс хырным тотту" — деп, 4605 Алгап-йөрээп-даа Турган иргин ийин. "Чылгыңны салып алгаштың, "Чорутсуңза, Окта кем чок, ашак, 4610 Ылавылап, таптыг-ла Арзылаң-Кара аъттыг Хунан-Кара мөгениң Шил-Даг, Шилен-Даг Чуртундува чорупсуңза, 4615 Мал эвес мал-даа ында-ла, Ара-албаты-даа имилээн-не турар" — деп Турган иргин ийин. "Солун чугаалыг оглумнуң Чоруу чогузун, 4620 Мөрү мөгейзин" — дээштиң, Хыртың-Шокар Аскырын муңгаиггың,