Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Каң октуң бизинде Хайындырып-даа турар-ла бооп-тур эвеспе аан. 1205 Чүглүг кымыскаяктың Хавыктыг кара чүүн Чүглеп-даа турган иргин ийин. Үстүү оранда Үжен үш дээрлерниң үстүнде 1210 Эр, кыс ийи Кара дастың Чүүн эккелгештиң, Хырайлыкпас дээштиң, Үш аданың дужундан тура 1215 Үжүнүң үш согунун Үстүкү чүү деп кылдыртып туруп-тур. Алды аданың дужундан Каң хаяга-даа чаңчырылбас Кадыг согунун-даа 1220 Кылдыртып-даа туруп-тур эвеспе аан. Карак дырбаш дээр аразында Чүс аъттың Үттүг-чарнының Үдүн чире адар, 1225 Үттүг тевенениң Үдүн чире адар, Чүс шары Чүъгү ыяшты Өрттендир, хуюкталдыр адар, 1230 Өлеңниг сарыг ховузун Өрт-халап үнүп турар кылдыр Адып үндүрер, Кара хөлдуң Кара ымыраазының 1235 Кылыга-хывыдын-даа, Каң октуң ужунда Сырылады-даа берген турган иргин ийин. Айның чаазында, хүннүң эртезинде-даа Аъттаныр-толаныр дей берген-даа турган иргин ийин. 1240 Ам эртен Аъттаныр деп турганының кырындан "Эки ат адаан кижини Эгин ажыр шаңнаар, Багай ат адаан кижиниң 1245 Бажын алыр" — дээш, Ара-албатызын чыып алган турган иргин ийин. Эрниң адын