Тувинские народные сказки. - 1994. [Т. 8.]

350 даштында дүк чок, [сөөк аразында сап чок кылдыр] быжырып аар дээш, өлеңде Өледей [кадайның], сараңда Сарадай ашактың 355 еөнге кире бээривиске, дөр бажында дөрт буттуг ширээ кырында орайындан Очур-Маанай, 360 маңнайындан Мага-Халаа бурган бодараан, хөө-куяк тоннуг, алдын оваадай бөрттүг сес харлыг оол олурган. 365 Ооң чараш-чаагайын магадап көөр дээш, отка салган бөдээне кужувустуң эъди өртенгеш, үзү эстип, сөөгү өрттенгеш, 370 хүлү хадый берген чүве. Коргуп-девидеп турувуста, Хайындырыңмай Багай-оол дээрзи айыс-үзүм, үү-боорзак, эм-таң холуп тургаш, 375 бөдээне куштуң мага-бодун хевээр кылгаш, "мени кордүм деп чугаалаар болзуңарза хааныңарның үүлезинден артык яла-үүлени көргүзер мен" деп мону сөглээн кижи — деп, өчүп-сөглеп-гирлер эвеспе. 380 Булутай-Эге хаан ону дыңнааш, Хайындырыңмай Багай-оолду барып эккелицер дээш, ийи хаа чорудупкан-даа чүвең иргин. Ийи хаа Хайындырыңмай Багай-оолга чедип келгеш: — Булутай-Эге хаан кел дидир! — деп, мону сөглээннер. 385 — Хаан авыгай мени кел дирткен-дир, ачай — деп, адазынга чугаалап олуруп-тур эвеспе оң. — Хаан кижи кел дээрге, карачал кижи олурбас-ла болгай, оглум, — деп, ашак мону сөглеп-тир. 390 Хайындырыңмай Багай-оол-даа сарыг хевенек каттангылыг,