Тувинские народные сказки. - 1994. [Т. 8.]

— Амыр чүве-дир оң. Тевелер кай баар боор. Бай Караты-хаан теве чилии аппарып бээрге, ийи теве бээр. Силер чеди тевеңер чилиин аппарып тудар болзуңарза, он дорт тевелиг болур силер — деп, удур көрүп, улай соглеп-даа олурган Чаңгыс-Тас-дыр эвеспе. 6 Ону дыңнааш, Чеди-Тас алышкылар чеди тевезин өлүргеш, чи­ лиглерин алгаш, мурнун былаажып бай Караты-хаанга келгеннер- дир эвеспе. Улуг акызы олургаш: — Силерни теве чилии чиир хаан деп дыңнааш, чеди теве- вистиң чилиин эккелдивис, чооглааш, он дорт теведен берип ко- рүңер, хаан — деп-тир эвеспе. Бай Караты-хаан хорадавас боду хорадап, ажынмас боду ажы- нып: — Кижи кыжыраан-шооткан чүвелер — дээш, үндүр ойлаткы- лапкан-дыр эвеспе. Чеди-Тас алышкылар улуг акызын эттеп-эттеп, Чаңгыс-Таска келгеннер-дир ийин. — Бисти мегелеп тургаш, сен чеди тевевисти өлүртүп, бисти куруг кагдырдың. Ам сени бис өлүрер бис — дээш, Чаңгыс-Тасты тудуп баглааш: — Өлүрер кижиниң сөзүн алыр, сөзүң чүл? — деп-тир эвеспе. — Мени өлүрер силер. Өлүрериниң бетинде дилээрим болза: мени баглавайн, тулуп хапка суккаш, аксын баглааш, Каргыраа-Ка- ра-Хемче киир октаптыңар — деп, мону соглеп олурган эр-дир эвеспе аан оң. 7 Чүзү боор, Чаңгыс-Тасты тулуп хапка суккаш, аксын дуй баг­ лааш, Каргыраа-Кара-Хемче киир октапкаш, ийи тевезин эжелеп алган-даа Чеди-Тас алышкылар-дыр. Чаңгыс-Тас Каргыраа-Кара-Хемни куду тулуп хавы-биле бир-ле кежер хеглиг черге кээри билек, селби карактыг, чычыы торгу тоннуг, кара саар идиктиг, кара киш кежи бөрттүг, чыраалаар-са- яктаар бора аъттыг ашак Каргыраа-Кара-Хелшиң кежиин кежип чортуп чорда, аъды хояр бооп-тур. Бир коорге, тулуп хап сугда салдап бар чыдып-тыр оо. 8 Селби карактыг ашак кайгай бергеш,"алдын эртине-даа боор чадавас азы чүү аза-четкерил?" деп, кезек боданып чоруй, алдырба- зынга кирип агып бадып чыткан тулуп хапты аъдының кырындан ээккеш, бир чартыында кулаандан алгаш, аъдының саарын чара каккаш, аксын шелгеш, төрепчилээш, үндүр сөөртүп келген-даа селби карактыг ашак-тыр эвеспе. Ашак тулуп хаптың аксын чежиптерге, бир караан базып алган кижи: