Тувинские народные сказки. - 1994. [Т. 8.]

дөгертинип тырттынып, 2410 эртен тырттынган боду кежээге дээр тырттынып, кежээ тырттынган боду эртенге дээр тырттынып-тырттынып салырга, 2415 Хайындырыцмай Багай-оолдуң хөрээнге деггеш, чаңчарап чапггай берип-тир эвеспе. — Иштинде ириктиг, даштында өртеңниг чээргениң 2420 кижи эъдинге дыынмас чүве-дир — дээш, арнынче хөме чажып оруп-тур эвеспе аан оң. Күжүр Хайындырыцмай Багай-оол-даа чүзү боор ийик, кайбыр кара хожуулазын тырттынып-кезенип, 2425 огунуң бажындан албыс-шулбузунуң дылы кызаңайнып, эргээниң бажындан оду чалбырааштанып кээрге, ышкына чоруй салырга, 2430 Демир-Кара Мөгениң хөрээндиве үш илиг кире берип-тир. — Огуң кижи эъдинге дыынмас чүве-дир — дээш, дедир октап берип-тир. Шыяан ам, ийи эр-даа шодак-шудаан ыгый-дыгый кеттинип, 2435 дөңмээниң эъдинге сыңмас боорга демир саваажы-биле савап кедип, өнггүнүң эъдинге сыңмас боорга ел саваажы-биле савап кедип туруп-турлар. Осамбуулаң өртемчейни 2440 үш долгандыр үш хонукта девип-даа турганнар иргин. Дээр оглу Демир-Мөге ийи хунан инек дег дажьга 2445 тевектеп чоруп-тур. Хайыңдырыңмай Багай-оол Болчаттылыг бора тейин тура соккаш, тевектеп чоруп оруп-тур.