Тувинские народные сказки. - 1994. [Т. 8.]

1440 — Эки дээн кижини эктин ажыр [шаңнаар] багай дээн кижиниң бажын алыр мен — деп, чарлык бооп туруп-тур ийин оң. 1445 Ара-албатызы аал-коданын, алды-беш куржалып чыглып-даа турза, "хык" деп ыыттаар, кылчаш кылдыр 1450 көөр-даа кижи чок бооп-тур. Адактың сөөлүнде биеэги-ле бир ак баштыг, ак салдыг ашаа келгеш, үш катап сөгүрээш, 1455 үш кулаш бажын орта олуруп ап-тыр. Хаан олура: —Хаан бодум, Аш-Куу кадыным, алдымда саадап орарым 1460 дошкун сарыг ширээм, Буга-Кара аъдым, кадыг кара чам кандыг-дыр? Эки-дир дээн кижини эктин ажыр [шаңнаар] 1465 багай дээн кижини бажын алыр мен — деп, олуруп-тур, Ашак олура: —Эдилээн эдиңер-даа, дошкун сарыг ширээңер-даа, 1470 чүү дээр боор, чайыр алдын-биле бүткен чүве-дир, Буга-Кара аът-даа аът-ла-дыр, кадыг кара ча-даа 1475 ча-ла-дыр — деп, хаанның чанынга үш кулаш черден үңгеп четкеш, эде-хере туткулап, кадынынга баргаш, доктаай дүжүп: 1480 —Шала таарышпас чүве бар-дыр.