Тувинские народные сказки. - 1994. [Т. 8.]

Хайындырыңмай Багай-оол 1160 куу аът мыяа бооп хуулуп алгаш, амытанның аразы-биле чуглуп чорааш, Хан-Шилги аъдынга чеде бээрге, аъды черниң ортаа кезиин 1165 ажыр казып алган туруп-тур эвеспе. Оон унгеш, чеди чыл болган куу хой мыяа бооп хуулуп алгаш, хаанның өргээзиниң даштынга чедип кээп-тир. 1170 Дошкун-Сарыг хаан чугаалап-тыр эвеспе: — Чеди чыл болган куу хой мыяа бооп хуулуп алгаш, аъттаныр чарыкта кээп чыдып алды, чеди чыл болган куу хой мыяандан эгелээш 1175 бөгүнгү хой мыяанга чедир өрттедиңер, хуюктаңар — деп-тир. Хайындырыңмай Багай-оол ону билип кааш, хой саргызы бооп хуулуп алгаш, кидис каъдынга кээп чыдып ап-тыр эвеспе. 1180 Дошкун-Сарыг хаан чугаалап-тыр: — Хайындырыңмай Багай-оол хой саргызы бооп алгаш, кидис карышкаанда чыдып алды, саргы чорза-ла өрттедиңер! — деп-тир. 1185 Ара-албаты саргы дилеп, кидис дыдып, өлүг, дириг саргы өрттедип туруп берип-тирлер: 1190 Хайындырыңмай Багай-оол ону билгеш, дээр саргызы болуп алгаш чүък карышкаанче чоруп каап-тыр. Дошкун-Сарыг хаан олура чугаалап-тыр: — Хайындырыңмай Багай-оол дээр саргызы бооп алгаш 1195 чүък аразынче кээп чыдып алды—дээрге, ара-албаты дээр саргызы дилеп туруп берип-тир эвеспе.