Тувинские народные сказки. - 1994. [Т. 8.]

эки эр сээң бажың дозуп, бараан харап турган улус бис деп-тирлер. Хайындырыңмай Багай-оол "хык" деп ыыттаваан-даа, 920 кыйбыш кыннып көрбээн-даа чүвең иргин. Ийи кара кускун олура: —Дошкун Сарыг хаан делегей кырында чок дээн дайзын болтай, черниц [тос] каъдын өттүр билир илби-шидилиг, 925 хонуктуг черден колдуксуг чыдын кагар, дүштүктүг черден дүдүксүг чыдын кагар ийи аъттыг, 930 тозан тос хуулар илби-шидилиг, чүс сес мөге күштүг кижи чүве. Сээң илби-шидиң, күш-шыдалың 935 кайы хирел? — дижип олуруп-турлар эвеспе аан оң. —Ыңай көргеш, бээр көруңерем — деп-тир. Ийи кускун ыңай көргеш, бээр көрүп кээрге, 940 Хайындырыңмай Багай-оол муң бора кушкаш болуп алган диңмиредир ужуп турар, Хан-Шилги аъды муң ой күске болуп хуулуп алган черин үттеп кирип туруп-тур эвеспе. — Эр бодуң эрестиг, 945 хуулар-даа, куттулар-даа кижи-дир сен, "чору-чорба" деп канчаар ийик бис, ындыг-даа болза сөөгүң чанчарай бээр ирги бе?, угаан-бодалың четпээн, 950 эът-сөөгүң чаржыкпаан кижи болгай сен — дижип олуруп-турлар. — Мен чорутканнай чоруур мен, өлүр-даа болза аңаа өлүр мен, дирлир-даа болза 955 аңаа барып дирлир мен, "бодуң чүвең" деп кижи кыжырып олурар силер,